O mundo da robótica cada día está a ter maior presenza nas nosas vidas, máis alá dos robots industriais, hoxe en día é moi doado atoparse robots en ámbitos máis cotiáns e ao alcance de todos: robots que limpan os nosos pisos, cortan o noso céspede, e máis. Ou os avances dos coches sen condutor, os drones e outras tecnoloxías de transporte, que fan cada vez máis difusa a liña divisoria entre o que é un robot e o que é un vehículo.
Todo isto sen dúbida está contribuíndo a aumentar as inquedanzas e curiosidades por este mundo da robótica, que grazas ao software e hardware libre, é cada día máis asequible para os afeccionados. Xa non é preciso ser enxeñeiro eléctrico para desfrutar da robótica como hobbie e ademais, é posible empregar moitos proxectos neste ámbito como ferramentas para o ensino e fomento das vocacións tecnolóxicas, ou as denominadas STEM (Ciencias, Tecnoloxía, Enxeñería e Matemáticas).
Por mencionar un exemplo de recente actualidade, onte foi presentado no Gaiás ma xornada Cidadanía e coñecemento dixital, o proxecto de Eduardo Santos, alumno do IES David Buján de Cambre, quen tras ver na tele un programa sobre basura electrónica, e grazas á axuda de compañeiros de BricoLabs, construíu unha réplica do robot da guerra das galaxias R2D2. BricoLabs é unha asociación que fomenta o “constrúe ti mesmo”, empregando para elo a reciclaxe de aparatos en desuso así como o software e hardware libres.
Neste artigo recollemos algúns exemplos dos múltiples proxectos libres que existen no ámbito da robótica libre, tanto de hardware e software como en proxectos de simulación robótica.
Proxectos de hardware
Existen diversas plataformas robóticas abertas. Por exemplo recentemente falabamos de Eiro, ou do escornabot, proxectos con ADN galego. A continuación recollemos outras opcións coas que achegarse á robótica a través de hardware libre:
- Sparki é unha completa plataforma robótica aberta. Os esquemas, os ficheiros de modelo 3D, e o código fonte son todos con licenza libre. Está pensado para robot de introdución tanto para estudantes de primaria como para idade adulta. Sparki vén cun sensor de distancia, acelerómetro, infravermellos, compás, sensor de luz, seguidor de liñas, e máis. Mentres Sparki ten rodas, ten un curmán camiñante nomeado Hexy, unha plataforma moi similar.
- Mais os robots non só camiñan, ás veces, voan. Así existen diversos drones libres baseados en sistemas como LibrePilot ou Ardupilot. O ArduPilot Copter, por exemplo, pode ser montado como helicóptero, cuadricóptero, e unha variedade doutras configuracións, tanto nunha aproximación DIY (faino ti mesmo) como adquirindo algún dos kits que comercializan distintos fabricantes.
- TurtleBot é outra plataforma de robot, dispoñíbel tanto en kit en diversos fabricantes como nun completo conxunto de instrucións para construír o voso propio robot a partir das pezas que inclúen un netbook computador, Kinect, e Kobuki, ou mesmo para construílo a partir dun iRobot Create.
Proxectos de software
Ademais do exterior do robot é preciso dotalo dalgunha forma de intelixencia para ser capaz de cumprir determinadas ordes directas ou mesmo tomar certas decisión rudimentarias pola súa conta. Desta intelixencia encárgase o software do robot, para o que tamén existen uns cantos proxectos libres.
- LeJOS é un proxecto de software de robótica que ten por obxectivo servir de introdución para principiantes. Trátase dun firmware substituto do que vén con Lego Mindstorms permitindo programar o noso robot Mindstorms facilmente utilizando a linguaxe de programación Xava.
- Rock, a Kit de Construción de Robot, é unha plataforma software para robótica, baseado no Orocos RTT (Tempo Real Toolkit). O rock está deseñado para ser extensíble e inclúe un número de drivers para aplicacións xa existentes.
- ROS, o Sistema operativo de Robot, é unha plataforma para escribir software para robots, que inclúe varias ferramentas e bibliotecas para simplificar o proceso. Está deseñado para o desenvolvemento colaborativo, con compoñentes modulares e nunha comunidade mundial. ROS ten licenza BSD e está patrocinado pola Fundación Open Source Robotics.
Simuladores de robot
Por último, existen simuladores de robot para facilitarnos a experimentación antes de decidirnos a montar o noso robot. Estas permítennos experimentar se o noso deseño vai funcionar ben en situacións reais suxeito a restricións físicas como a gravidade, o terreo ou as condicións climatolóxicas.
- Gazebo é unha completa solución de simulación con licenza Apache, con avanzados gráficos 3D, sensores virtuais, unha extensa colección de ferramentas de liñas de ordes, e a habilidade de executar as nosas simulacións na nube. É compatible con moitos plugins e vén con varias plataformas de robot comúns coas que comezar a modelar.
- MORSE, o Motor de simulación modular OpenRobots, ten licenza BSD e céntrase na simulación de robots académicos, tanto de interior como de exterior. Pode programarse con Python e utiliza Blender como motor de renderizado.
- V-REP ten licenza GPL. É unha plataforma de experimentación de robot virtual que funciona en Windows, Mac e Linux, pode utilizars con diferentes metodoloxías e linguaxes de programación e pode simular tanto situacións físicas avanzadas como datos de sensores de visión e proximidade.
Estes son só algúns exemplos de proxectos libres para entusiastas da robótica. De seguro existen moitos máis que vale a pena coñecer, e naturalmente, grazas a plataformas hardware de baixo custe como Raspberry Pi e Arduino, é máis fácil que nunca partir de cero e construír a vosa creación propia.
Fonte: opensource.com
