O desenvolvemento da nova versión de GALPon MiniNo vai por moi bo camiño e a unha boa velocidade xa que apenas unha semana despois do anuncio da primeira beta, xa nos están anunciando a segunda beta.
Esta nova beta corrixe unha serie de erros ou eivas detectados na primeira beta:
- Corrixido un fallo na configuración de «initramfs» que impedía instalar plymouth.
- Corrixido un fallo que impedía a correcta montaxe de unidades CD.
- Corrixido un fallo no instalador automático que impedia un posterior formatado.
- Corrixido un fallo no instalador automático, que non recoñecia discos sen formato.
- Corrixido un fallo na selección do núcleo i686 como predeterminado.
- Corrixido un fallo que impedia a creación de /swapfile en instalacións sen «swap».
- Cambiada a configuración inicial de Midori, buscadores e marcadores rápidos.
- Corrixido un problema coa última versión de «flash», que non reproduce nada se a GPU non ten aceleración gráfica.
- Agora a icona de instalación xa non aparece no escritorio, unha vez instalado.
- Completada a traducción ao ingles e ao catalán dalgunhas cadeas que se tiñan quedado atrás.
- Instalada a nova versión (3.2.0) de cronopete.
O equipo de desenvolvemento agradece toda a colaboración na fase de probas co obxectivo de obter unha versión 2.0 o máis estable posible.
Todos os interesados en probar esta segunda beta de GALPon MiniNo v2 Ártabros xa poden descargala dende a web do proxecto.
Ademais, lembramos que o próximo sábado 22, aś 12:00, Miguel Bouzada fará a presentación da nova versión no Kernel 2012 organizado pola Comunidade O Zulo.
