Spanair, unha das maiores aerolíneas españolas, confiará na distribución Red Hat Enterprise Linux para os seus sistemas informáticos. Actualmente Spanair emprega Linux para a súa xestión das tripulacións e a planificación da flota e de horarios. O emprego deste sistema operativo aberto xustifícase na reducción de custos e na mellora de rendemento ademais do soporte técnico.
A plataforma Red Hat tamén é utilizada en varias estacións de optimización, que reciben información do servidor central para executar os diferentes procesos. Por outra banda, a compañía dispón dun servidor de base de datos Oracle 10GR2 sobre servidores HP Proliant que corren sobre unha plataforma RHEL, e onde actualmente está a funcionar o datawarehouse.
