Facéndonos eco da publicación feita en AGASOL, o programa internacional SuSE Expert Days de xornadas arredor do sistema operativo SuSE, chega este xoves 16de Marzo a Santiago.
SuSE está a percorrer cidades de países de América, Europa, África e Rusia, dando a coñecer as súas últimas propostas baseadas en solucións de código aberto para servidores, computación na nube, Docker, e moito máis no que denominan SuSE Expert Days.
Dentro desta xira mundial, recalan en España, en concreto mañá, 16 de marzo en Santiago de Compostela, despois de estar o 14 de febreiro en Madrid e o 16 de febreiro en Barcelona.
Se estás interesado en coñecer máis o que propón SuSE, a empresa máis veterana dedicada a Linux e o código aberto, en canto a sistemas operativos empresariais e para servidores baseados en GNU/Linux como é SuSE Linux Enterprise Sever, e outras solucións como SuSE Manager, SuSE OpenStack Cloud, SuSE Enterprise Storage, non te perdas a cita.
Que son os SuSE Expert Days?
Son eventos dun día de duración con charlas técnicas e demostracións dos seus produtos, que ofrecen aos profesionais das tecnoloxías información sobre as ferramentas que desenvolven e que lles poden ser útiles para desenvolverse no seu día a día nos seus data centers.
A axenda das xornada será a seguinte:
09:00 – 09:30 Café benvida
09:30 – 09:45 Presentación dos SuSE Expert Days
09:45 – 10:00 Colexio profesional de enxeñaría en informática de Galicia
10:00 – 10:30 Ecosistema de software libre en Galicia (AGASOL)
10:30 – 11:30 Transformación dixital. SUSE: Estratexia e futuro
11:30 – 11:45 Café
11:45 – 12:20 Software-defined Data Center. Cara o novo centro de datos: OpenStack, CloudFoundry, Ceph e Contenedores
12:20 – 12:50 Transformación dixital: Sistemas de Misión Crítica: SAP, ZeroDowntime e HA con demos de LivePatching, full system rollback e MS SQLServer en HA
12:50 – 13:40 DevOps: Arquitectura, estratexia e modelo. Developer tools, SLES for Raspberry Pi e Containers as a Service Platform: MicroOS+Docker+Kubernetes
13:40 – 14:20 SUSE OpenStack Cloud. Integración de OpenStack con Kubernetes e Docker, HA e non-disruptive update con demo
14:20 – 14:30 Preguntas
14:30 – 15:30 Comida
Máis detalle dos eventos, links de rexistro, horarios, e lugares nos que se celebrarán poderalo atopar na propia web do evento
