Mañá venres de 11:00 a 13:00 horas terá lugar nas instalacións do Centro Demostrador TIC unha xornada sobre voz IP da man da empresa Northwest Advisors. Presentará a súa solución de voz IP, baseada na solución libre Asterisk, coa que permiten que as empresas poidan mellorar a xestión dos custos das súas comunicacións así como acadar un importante aforro.
A xornada está dirixida a Responsables TIC ou xerentes de todo tipo de empresas. A asistencia ao seminario é completamente gratuíta, sendo unicamente preciso a inscrición previa través do Espazo Usuario do portal web do CDTIC.
Hoxe en día as empresas demandan unha maior competitividade, eficacia e aforro de custos, así como unha maior aposta por servizos tecnolóxicos de calidade. Northwest Advisors, coa implementación de VoIP+SIGS, consegue que a voz IP chegue mesmo a zonas remotas ou de difícil acceso, dotándoas ademais dun servizo de internet de alta calidade para alcanzar unha excelente experiencia de usuario.
O programa completo da xornada é o seguinte:
- O presente:
- Sistema estándar de comunicacións: sistema de conmutación
- Liñas de voz tradicionais, RTB, RDSI, PRIMARIO (E-1)
- Conexións de internet asimétricas
- O futuro:
- Voz IP con numeracións SIP
- Central telefónica virtual sobre arquitectura Asterisk (sen equipamento físico) con integración de telefonía tradicional e móbil
- Servizos de internet garantido e simétrico
Northwest advisors ten o compromiso de atender as peticións de calquera cliente alá onde se atope. A empresa está capacitada para prestarlles atención ás necesidades da súa clientela en todo o territorio nacional, e mesmo internacional, como xa fixeron para moitos dos que confían neles, en resposta aos novos cambios en estruturas empresariais, múltiples delegacións e fusións.
