Trisquel 9.0 “Etiona”, última versión desta distribución avalada pola Free Software Foundation. Require de ter un hardware específico para que todo funcione debido á utilización de Linux-libre (versión 4.15).
Novidades: consolidación de MATE como contorna de escritorio predeterminado. Todos os paquetes están completamente actualizados con actualizacións de soporte a longo prazo.
Outros sabores de Trisquel: Trisquel Mini (orientado a máquinas antigas e netbooks) usa LXDE como contorna de escritorio xunto a aplicacións lixeiras, Triskel con KDE Plasma 5, unha imaxe netinstall para servidores e Trisquel TOAST (baseado na plataforma de aprendizaxe Sugar).
