Co sistema de ficheiros Ext4 estábel incluído no núcleo 2.6.28 de Linux, as persoas desenvolvedoras de Ubuntu están a prepararse para adoptar esta evolución do sistema de ficheiros para Linux. Ext4 non substituirá a Ext3 como sistema de ficheiros predeterminado até polo menos Ubuntu 9.10, pero a partir de onte, Ubuntu 9.04 inclúe compatibilidade con Ext4.
Este traballo aparecerá tamén na próxima Ubuntu 9.04 Alpha 3. No CD-Vivo e nos CD de instalación da versión servidor de Ubuntu 9.04 tamén ofrecen a opción de utilizar o sistema de ficheiros Ext4 no particionado manual do disco duro. Algunhas distribucións como Fedora xa permitían o Ext4 cando aínda estaba en desenvolvemento…
Na Wikipedia explican, para aqueles que non o saiban, que ext4 (fourth extended filesystem ou “cuarto sistema de ficheiros estendido”) é un sistema de ficheiros con rexistro por diario (en inglés Journaling), anunciado o 10 de outubro de 2006 por Andrew Morton, como unha mellora compatíbel de ext3. O 25 de decembro de 2008 libérase o kernel de Linux 2.6.28, que elimina xa a etiqueta de ‘experimental’ de código de ext4.
As principais melloras son:
- Soporte de volumes de até 1024 PiB.
- Ampliado o límite de sub-cartafoles a 64000 (o dobre que ext3)
- Compatibilidade engadida de extent.
Fontes:
http://barrapunto.com
