Desde o próximo curso, 9.000 computadores das escolas de Xenebra (Suíza) pasarán a ter Ubuntu como único sistema operativo instalado.
O xornal “Tribune de Genève”, da devandita cidade informa que desde setembro deste mesmo ano, todos os computadores escolares que actualmente teñen instalado tanto Windows como GNU/Linux pasarán a ter instalado só GNU/Linux e usarase só Software Libre.
Ademais de diminuír os custos de administración, os estudantes tamén poderán beneficiarse do seu uso xa que poderán utilizar as mesmas aplicacións nos seus respectivos fogares sen custos adicionais por parte das aplicacións ou o propio sistema.
Manuel Grandjean, director dos servizos de IT das escolas (Ecoles-Médias) sinala que o uso exclusivo de Software Libre “anima a participación e democratización do coñecemento e proporciona competencias de produtos independentes”. Tamén comenta que o ve como un “reforzo da igualdade de oportunidades” para os estudantes.
Fontes: Tuxpepino
