Ubuntu-Tweak é un programa que resulta realmente recomendábel para o usuario que se inicia con Ubuntu e, polo tanto con Galinux, porque permite configurar o sistema ao gusto persoal dunha maneira comprensíbel para o novato e segura para o propio sistema. Facilita a instalación de programas populares, a asociación de aplicativos para extensións de ficheiros, a información basica do sistema como a versión de Ubuntu e o kernel…e, por suposto, xa está 100% en galego.
Proporciona un acceso rápido e centralizado a varias opcións de configuración, tanto do escritorio como do sistema, que aínda que existen no sistema orixinal, están dispersas en diferentes menús o que dificulta a súa localización. Actualmente está soamente preparado para xestionar o escritorio GNOME das últimas versións de Ubuntu (8.10 e a futura 9.04).
Características que Ubuntu Tweak permite xestionar:
- Vista de información básica do sistema (distribución, kernel, CPU, memoria, etc.)
- Control de sesión de GNOME
- Control dos programas de inicio automático
- Mostrar/ocultar e cambiar de pantalla de inicio
- Mostrar/ocultar iconas de escritorio, discos ou dispositivos montados
- Mostrar/ocultar/renomear o computador, o cartafol persoal, a icona da papeleira de lixo ou a icona de rede
- Opcións do Estilo e comportamento das xanelas estilo Metacity
- Opcións de Compiz Fusion, configuracións de resolución de pantalla, de efectos de menú, de efectos de xanela
- Opcións de panel de GNOME
- Opcións de Nautilus
- Opción avanzada de xestión de enerxía
- Opción do sistema de seguridade
Segundo o autor, un estudantes chinés apaixonado do SwL, Ubuntu-Tweak é un aplicativo desenvolvido en GTK+ que está pensado para axudar ao máximo as persoas que comezan con GNU/Linux no mundo do software libre, como foi hai pouco o foi seu propio caso. Ubuntu Tweak é software libre con licenza GPL (Licenza pública xeral).
Instalación
Obviamente se o que se pretende e facilitarlle a vida á xente, o procedemento para descargalo e instalalo forma parte “da solución”: Ubuntu-Tweak non pode ser máis doado e proporciona dous métodos para facernos con el.
Obviamente se o que se pretende e facilitarlle a vida á xente, o procedemento para descargalo e instalalo forma parte “da solución”: Ubuntu-Tweak non pode ser máis doado e proporciona dous métodos para facernos con el.
- Descargalo desde a páxina do desenvolvedor desde onde descargaremos o paquete .deb válido para calquera Ubuntu.
- Seguir as instrucións nesa páxina para engadir a fonte para Ubuntu 8.04 ou Ubuntu 8.10.
