Xa quedan poucos días para inscribirse nos vindeiros cursos que se impartirán no CNTG no primeiro trimestre do ano 2010. O prazo remata o vindeiro día 6 de xaneiro.
Entre estes cursos, atópanse algúns dos cursos de software libre incluídos na programación do CNTG, dos que xa informamos no seu día.
Para inscribirse nos cursos é preciso rexistrarse na web do CNTG, logo acceder á ficha do curso dende a sección de formación e cumprimentar o formulario de inscrición correspondente.
As probas de selección do alumnado destes cursos realizaranse os días 11 e 12 de xaneiro no salón de actos do Centro de Novas Tecnoloxías de Galicia, localizado na rúa Airas Nunes s/n, barrio de Conxo, de Santiago de Compostela. Concretamente:
Luns 11 de xaneiro de 2010
- Creación dixital en 3D con Blender – 12:30
Martes 12 de xaneiro de 2010
- Administración inicial de sistemas operativos Red Hat Linux – 12:30
- Administración avanzada de sistemas operativos Red Hat Linux – 16:30
Estes cursos do CNTG están dirixidos ben a persoal desempregado ou ben en activo. Para presentarse ás probas de selección dos cursos é preciso presentar certa documentación.
Fonte: CNTG
