DEN4DEK ten como obxectivos: construír unha rede de contactos interrexionais para intercambiar coñecementos entre os socios e desenvolver accións innovadoras para crear un enfoque europeo sobre os Ecosistemas Dixitais (ED), o que permitirá unha mellor adopción das TIC polas empresas.
Para iso, porase á disposición dos socios unha aplicación informática que está sendo desenvolvida en software libre e na que se atoparán as experiencias de implantación na materia. Tamén comprenderá un sistema de xestión do coñecemento, aberto e orientado a un uso non experto, permitindo obter de xeito sinxelo información básica ou avanzada sobre os Ecosistemas Dixitais.
O proxecto está desenvolvido a través dun consorcio no que participan 19 socios de 10 países da Unión Europea (Italia, Reino Unido, Irlanda, Eslovaquia, Austria, Hungría, Finlandia, Holanda, Portugal e España) e que pertencen tanto a gobernos rexionais como a universidades, fundacións e empresas principalmente ligadas ao ámbito da innovación e da sociedade da información.
A Fundación impulsará o uso desta plataforma, colaborará na súa difusión e definirá un plan de implantación dos Ecosistemas Dixitais en Galicia.
Dekeol, unha ferramenta de fontes abertas para o intercambio libre de coñecemento
Dekeol é a plataforma dixital para o intercambio de coñecemento que se está a desenvolver no marco do proxecto DEN4DESK. O obxectivo de Dekeol é converterse nunha ferramenta de colaboración sobre os ecosistemas dixitais entre os socios do proxecto, pero aberto tamén a outros proxectos da UE e os actores rexionais dispostos a ampliar coñecementos.
Esta plataforma centrarase en tres aplicativos de código aberto:
-
Un espazo de coñecemento aberto (Open Knowledge Space -OKS) para compartir contido. Esta ferramenta estará construída sobre Sironta .
-
Un contorno de escritorio de axuda (Help Desk-HD) para os socios do proxecto co fin de apoiar as rexións na planificación do despregue dos ecosistemas dixitais.
-
Un Centro de Información sobre os ecosistemas dixitais, incluída a información sobre os socios e os talleres, foros de discusión e as últimas noticias.
Para atopar máis información: (http://www.den4dek.org/).
Fonte: Sociedade da Información
