{mosimage}uSbuntu Live Creator é unha ferramenta para crear facilmente dispositivos USB-Vivos con Ubuntu desde Windows, é dicir, instalar o sistema operativo nunha chave USB para poder executalo e usalo en calquera computador que permita arrincar desde o dito medio.
É similar ao aplicativo que xa vén incluído de serie en Intrepid Ibex, pero ten algunha funcionalidade adicional e traballa perfectamente para crear chaveiros USB con sesións en vivo de Ubuntu, Kubuntu e Xubuntu.
O proceso é moi sinxelo, ao executalo aparecerá unha curiosa interface gráfica cos cinco pasos a seguir para a creación dun USB en vivo:
- Seleccionar o dispositivo USB onde será instalado.
- Elixir o arquivo fonte do sistema operativo (o ficheiro .iso descargado ou o CD de instalación)
- Elixir o tamaño de persistencia dos datos: elixindo por exemplo 100MB, poderanse utilizar eses 100MB para gardar datos e arquivos de configuración mesmo cando se reinicie a sesión.
- Seleccionar algunhas opcións adicionais (formatar o dispositivo, activar a execución de Ubuntu en Windows…)
- Realizar a instalación.
En todos os pasos hai un botón de axuda, onde obter unha aclaración de que é exactamente cada paso, e tamén un indicador en forma de semáforo que indica se ese paso está configurado correctamente.
Fonte: Genbeta.
Fonte orixinal: UbuntuGeek.
