Como xa estamos anunciando nas últimas semanas, en escasos días sae a nova versión de Ubuntu, a 9.04. Actualmente xa se pode probar a primeira versión candidata de Ubuntu 9.04. A versión candidata pódese descargar desde a seguinte páxina:
Ademais tamén acaban de habilitar a páxina para facer o pedido do CD. Recordade que cun simple rexistro en Launchpad, podedes pedir que vos manden unha copia “orixinal” de Ubuntu, coa súa caixiña e todo, ao enderezo que lles facilitedes. Pódense pedir as versións tanto de escritorio como as de servidor.
https://shipit.ubuntu.com/ E máis novidades, a UbuntuOpenWeek que terá lugar entre o 27 de abril e o 1 de maio. A UbuntuOpenWeek é un evento que ten lugar en Internet, nunha canle IRC onde se imparten clases que cobren diversos temas todos arredor de como contribuír ao desenvolvemento de Ubuntu.A canle IRC onde se impartirán estas clases é #ubuntu-classroom, dentro da rede FreeNode. Na seguinte ligazóns tendes máis información de como asistir a elas:
