No marco do VII congreso internacional sobre Metodoloxías, Tecnoloxías e Ferramentas para o e-Goberno, MeTTeG, que se vai celebrar en Vigo os vindeiros días 17 e 18 deste mes de outubro, a organización do mesmo anuncia a presencia de Richard Stallman para o 9 de decembro cunha ponencia sobre “Software Libre e o e-goberno”.
Esta conferencia estará aberta ao público en xeral, aínda que os rexistrados no congreso MeTTeG terán un pase VIP ao evento.
O MeTTeG é un congreso que xira ao redor do e-goberno. Ten por obxectivo xuntar a investigadores e usuarios deste ámbito nun mesmo foro. Así os participantes no mesmo achegarán distintas perspectivas para presentar metodoloxías innovadoras, tecnoloxías e ferramentas, compartir experiencias e leccións aprendidas e discutir sobre os retos futuros.
O programa do congreso inclúe temas como Smart cities, uso avanzado do opendata, e-participación, privacidade, confianza e transparencia, frameworks e modelos.
Fonte: Codigo Cero
