Wammu é un aplicativo multiplataforma que permite conectar o móbil con Ubuntu e xestionar diversa información do teu teléfono como a libreta de enderezos, axenda, crear, gardar, enviar e ata facer copias de seguranza de mensaxes SMS, entre outras cousas:
- envío de ficheiros a teléfono (OBEX en Sony Ericsson)
- editor de SMS multiparte
- presentación de mensaxes con imaxes e reprodución de tons
- capacidade para facer copias de seguranza e importación de varios formatos de datos ( vCard, vCalendar, vTodo, iCalendar, e o propio formato gammu de copia, …
- procura de teléfono
- adaptación lingüística da interface
Pódese consultar se o móbil é compatíbel co aplicativo consultando a páxina do proxecto.
O programa encóntrase nos repositorios de Ubuntu, aínda que nunha versión versión un pouco antiga. Se se quere instalar esta última versión (0.30.1) liberada hai uns días, terá que acceder ao repositorio que mantén Wammu en Launchpad. Por certo, que aínda que o proxecto está rexistrado en Launchpad a tradución debe facerse nun servidor Pootle independente que mantén o creador e, aínda o 90% da interface non está localizada ao noso idioma.
Para obtelo só ten que agregar a seguiente liña APT:
deb http://ppa.launchpad.net/nijel/ppa/ubuntu intrepid main
sudo apt-key adv –recv-keys –keyserver keyserver.ubuntu.com 0xad829e29a018baf8c3842fb080e7349a06ed541c
Para logo instalar con:
sudo aptitude update
sudo aptitude install wammu
Fonte: Ubuntronics
