WWW SQL Designer: ferramenta en liña para a creación de deseños de bases de datos relacionais

WWW SQL Designer é unha ferramenta en liña para o deseño e creación de modelos de bases de datos relacionais. Os deseños poden ser gardados, exportados/importados a/desde XML e permite tamén a xeración automática dun script SQL para a creación da base de datos nun servidor e a importación do esquema procedente dunha base de datos existente. Ademais engade compatibilidade con varios sistemas de bases de datos e idiomas. Os sistemas de bases de datos compatíbeis son: mysql, sqlite, web2py e mssql.

Para a creación dos deseños tan só hai que crear e debuxar as táboas directamente no navegador, incluír os campos das táboas nos cales se poden especificar o tipo de datos dos mesmos. Asemade, moitas das características típicas das bases de datos xa están implementadas: relacións, chaves primarias, chaves foráneas, comentarios, índices, etc…

Hai dispoñíbel unha instalación en versión demo na seguinte ligazón:
http://ondras.zarovi.cz/sql/demo/

A ferramenta é compatíbel coa maioría dos navegadores (Gecko, MSIE e Opera) e non é necesario ter Flash instalado para o seu uso. Só se necesita ter JavaScript habilitado.

O código fonte do proxecto pódese en atopar en Google Code na seguinte ligazón:
http://code.google.com/p/wwwsqldesigner/