A nova versión da suite de ofimática de software libre de referencia actualízase con varias novidades, estando dispoñible xa para a súa descarga nos sistemas operativos máis habituais.
Das que máis chaman a atención están o soporte para clasificación de documentos seguindo o estándar TSCP (Transglobal Secure Collaboration Program) que permite clasificar os documentos segundo a súa confidencialidade e establecer quen pode ter acceso a eles segundo os criterios marcados dentro dunha organización. E o soporte para varias sinaturas dixitais nun documento, permitindo a importación e exportación das mesmas en formato OOXML.
Como en cada versión segue a mellorarse a compatibilidade con formatos privativos, neste caso inclúese unha mellora importante no soporte de XLS/XLSX, o que axuda nos procesos de migración a esta suite ofimática dende outras entornas privativas.
Nas notas de liberación pódense consultar con máis detalle tódalas melloras incluídas nesta nova versión.
