A Rede Galega de Computación de Altas Prestacións, en colaboración coa Escola Superior de Enxeñería Informática da Universidade de Vigo, organiza os días 5, 6 e 7 de outubro en Ourense as Xornadas sobre Computación de Altas Prestacións e Software Libre. As xornadas están dirixidas a todos aqueles que desexen coñecer as posibilidades que permite o Software Libre para desenvolver solucións na área da supercomputación.
No eido da Computación de Altas Prestacións o Software Libre ten unha presencia indiscutible. O 91,20% do TOP500, a lista dos 500 supercomputadores máis potentes do mundo, empregan GNU/Linux como Sistema Operativo. No programa das xornadas poderase comprobar a estratexia de Software Libre de empresas coma BULL, HP, SGI e IBM neste campo. Así mesmo, presentarase o uso de Software Libre no Centro de Supercomputación de Galicia (CESGA) e a experiencias e resultados dos grupos de investigación das Universidades Galegas. Tamén estará presente Karsten Gerloff, Presidente da Free Software Fundation Europe para falar das vantaxes que supón a liberdade que permite o Software Libre.
Programa das xornadas:
Día 5
- 10:30-11:00 Presentación das xornadas. Por parte de María Lameiras, Vicerrectora del Campus de Ourense, Enrique Barreiro – Director Escola Enxeñería Informática – Universidade de Vigo e Francisco Javier Rodríguez Martínez – Director Oficina Software Libre Universidade de Vigo
- 11:00-12:00 Introdución, Juan Antonio Añel Cabanelas (University of Oxford e Proxecto GNU)
- 12:30-13:30 Software Libre no Centro de Supercomputación de Galicia, Aurelio Rodríguez López (CESGA)
- 16:00-17:00 Computación de altas prestacións: paradigmas e bibliotecas de programación baseadas en Software Libre, Juan Touriño Domínguez (Universidade de A Coruña).
- 17:00-17:30 Software Libre nun programa de máster en HPC, Patricia González Gómez (Universidade de A Coruña)
- 18:00-19:00 Distribucións GNU/Linux e HPC, Orlando García Feal (EPhysLab, Universidade de Vigo)
- 19:00-20:00 Aplicación de novas tecnoloxías HPC: simulación de fluídos, Alejandro Jacobo Cabrera Crespo (EPhysLab, Universidade de Vigo)
- 20:00-21:00 Conferencia – Taller.
Día 6
- 10:00-11:00 Estratexia HPC e Software Libre en BULL, Rafael Grimán Canto
- 11:30-12:30 Estratexia HPC e Software Libre en HP, Carlos Corroto
- 12:30-13:30 Estratexia HPC e Software Libre en SGI, Miguel Terol Palencia
- 16:00-17:00 Estratexia HPC e Software Libre en IBM,
- 17:30-20:30 Conferencia – taller
Día 7
- 10:00-11:00 HPC e GPUs, Emilio J. Padrón (Universidade da Coruña)
- 11:30-13:00, Mesa redonda: liberdade e rendemento, Emilio J. Padrón, Juan A. Añel, Karsten Gerloff
- 16:00-17:30 Construíndo e mantendo o teu CPD desde cero só con Software Libre, Diego Pérez Montes (Quobis Networks)
- 18:00-19:00 HPC: unha perspectiva dende a liberdade, Karsten Gerloff, Presidente de Free Software Fundation Europe
- 19:00-19:30 Clausura
A xornada terá lugar os día 5, 6 e 7 de outubro en Ourense no Salón de Actos do Edificio Politécnico, no Campus Norte, actual localización da Escola Superior de Enxeñería de Informática e a Facultade de Ciencias.
A inscrición ten un custo de 20 euros, sendo posible acceder a diferentes descontos. Esta pode realizarase na web http://it.ephyslab.uvigo.es/hpcsl/index.php/inscripci-n/
Esta pendente a convalidación dun crédito de libre elección para alumnos da ESEI e FCOU da Universidade de Vigo.
