Segundo unha análise feita polos especialistas de Phoronix, o seu futuro é prometedor, xa que entre outras características é capaz de ofrecer manexar HDR (High Dynamic Range rendering) para aumentar o realismo da iluminación nas esceas. A súa potencia é similar á dos motores de Doom 3 ou Call of Duty 4.
Robert Beckebans, o principal responsábel do traballo, afirma que XreaL é actualmente o único motor baseado no de Quake cun motor de renderizado GLSL (GL Shading Language). E aínda que polo momento non existen xogos que, por exemplo, fagan uso da especificación OpenGL 3.0/3.1 en Linux, grazas a este motor open source será posíbel utilizalos sen problemas.
Segundo Beckebans, o motor é similar en potencia e prestacións ao de Doom 3, e xa hai implementadas características como un sistema de interacción da luz e outro para aplicar a técnica de shadow.
No proxecto utilizáronse ferramentas Open Source tratando de evitar ferramentas profesionais como Maya ou 3D Studio Max. E ademais están a traballar no desenvolvemento de ferramentas para Blender3D que permitan importar e exportar modelos de Unreal Tournament para crear personaxes e mundos 3D completos cun editor de niveis e mapas o máis completo e libre posíbel.
Fonte: Muy Computer
