O vindeiro sábado, 25 de maio, ás 12:00, na Industriosa terá lugar a charla “Diario de Desenvolvemento: A aventura submarina”.
Nesta charla José Luis falará sobre o xogo subROV: underwater discoveries, no que está a traballar actualmente, e sobre as súas experiencias como desenvolvedor de videoxogos.
José Luis estudou Composición e Piano no Conservatorio Superior de Vigo, e traballou en numerosos proxectos como compositor e deseñador de son. Na actualidade compaxina o seu traballo como freelance co desenvolvemento de proxectos propios, tanto xogos (subROV), como software e hardware libre (sintetizador modular miniMO).
Esta actividade está patrocinada pola Xunta de Galicia e pola Axencia para a Modernización Tecnolóxica (AMTEGA).
