Nova versión do navegador web de Mozilla, Firefox 128. Chega con novidades na tradución e un diálogo simplificado para a limpeza dos datos de usuario.
Novidades de Mozilla Firefox 128
– Posibilidade de seleccionar texto e traducilo a outros idiomas a través do menú contextual.
– Simplificación do diálogo que permite borrar os datos de usuario.
A Fundación Mozilla explicou que:
“ademais de optimizar as categorías de datos, o novo cadro de diálogo tamén proporciona información sobre o tamaño dos datos do sitio correspondente ao rango de tempo seleccionado”
– Firefox 128 é capaz de reproducir contidos protexidos con DRM, como os servidos a través de Netflix, dende o modo de navegación privada.
– Soporte da API experimental de atribución de preservación da privacidade (Privacy Preserving Attribution).
