Tras sete anos de desenvolvemento, chega GIMP 3.0 cunha gran actualización da interface gráfica a GTK3 e moitas melloras en usabilidade e novas funcionalidades.
Cambios máis destacados
– Nova Interface GTK3: Mellor soporte para pantallas HiDPI, temas en CSS e compatibilidade con Wayland.
– Efectos de capa non destrutivos: Agora os filtros poden editarse sen perder información.
– Xestión de espazo de cor mellorada: Suporte ampliado para perfís de cor RGB e preparación para CMYK e LAB.
– Diálogo de benvida: Permite personalizar rapidamente a interface e as preferencias.
– Melloras na usabilidade: Selección múltiple de capas, edición fóra do lenzo, novo sistema de bloqueo de capas e atallos configurables.
– Soporte mellorado para formatos de ficheiro: Importación/exportación de ICNS, CUR, ANI, QOI, JPEG XL, PSD mellorado e compatibilidade con perfís CMYK.
– Novo motor de texto: Mellor xestión de fontes, soporte para cores en punto flotante e contornos de texto non destrutivos.
– Nova icona de Wilber: Deseño renovado pola artista Aryeom Han.
– Ferramenta experimental: Paint Select, para seleccionar áreas pintando, dispoñible no menú Playground.
– Actualizacións da API: Nova API para desenvolvedores, soporte para máis linguaxes de script e abandono da compatibilidade con complementos de GIMP 2.10.
– Melloras internas: Novo sistema de compilación Meson, optimización de subprocesos, melloras en OpenCL e interface máis estable en macOS.
– Traduccións: 47 idiomas actualizados, incluído o galego.
GIMP 3.2 sairá aproximadamente nun ano, con lanzamentos máis frecuentes de novas funcións. Establécese un grupo de deseño UX para mellorar a experiencia do usuario.
GIMP 3.0 pode descargarse para Windows, macOS e GNU/Linux (Flatpak e AppImage).
