Matrix (protocolo de comunicacións que ofrece unha infraestrutura para chat,VoIP e videoconferencias aberta e descentralizada) conta cun novo cliente para o seu uso, NeoChat (da man do proxecto KDE).
NeoChat ten a intención de ser unha das aplicacións principais en Plasma Mobile ao vir instalada por defecto no PinePhone KDE Community Edition. Contará tamén, cunha versión para Android. Con NeoChat poderemos enviar mensaxes de texto, subir ficheiros (imaxes, son e vídeo), convidar a persoas a unha sala virtual, conversacións privadas, crear novas salas e explorar salas públicas.
De momento a aplicación non conta con soporte de cifrado, videochamadas, nin integración co resto de aplicacións de KDE, pero incluiranse en futuras versións.
