Con motivo da celebración do “Día do Software Libre”, que terá lugar o próximo 21 de setembro, estamos a organizar desde Mancomún un sorteo de varios packs dos libros impresos que traducimos sobre InnerSource, metodoloxía que busca aplicar as boas prácticas do software libre no desenvolvemento de software dentro das empresas e organizacións.
Os libros que sortearemos son as recentes traducións ao galego de Xestión de proxectos InnerSource e Modelos InnerSource, ambos traducidos grazas á colaboración da Axencia para a Modernización Tecnolóxica de Galicia (Amtega). Estes libros están dispoñibles tamén en liña na páxina web de InnerSource Commons, e pódense descargar libremente en formato aberto, xa que están publicados baixo a licenza Creative Commons BY-SA 4.0.
A iniciativa busca fomentar o uso de prácticas de InnerSource entre as empresas galegas, permitindo o acceso a documentación de calidade en galego. Estes libros permiten ás empresas galegas coñecer de primeira man como implementar as vantaxes do desenvolvemento colaborativo do software libre nos seus propios proxectos internos.
Como participar no sorteo?
Para participar no sorteo, simplemente é necesario:
– Cubrir este formulario antes do 21 de setembro, (o envío dos libros soamente está dispoñible para España).
– Retuitear o sorteo a través das nosas redes sociais de X (antes coñecida como twitter) ou mastodon.
Non perdas esta oportunidade de coñecer máis sobre as prácticas de InnerSource e de levar estes libros para a túa casa.
Únete a esta celebración do software libre e participa!
