A XI Xornada de Usuarios de R en Galicia terá lugar o día 24 de outubro de 2024 na Aula Magna da Facultade de Matemáticas da Universidade de Santiago de Compostela.
Organizada pola Asociación de Usuarios de Software Libre da Terra de Melide (MeLiSA) e patrocinada pola AMTEGA (Xunta de Galicia), como en edicións anteriores incluirá relatorios sobre temas de actualidade co obxectivo de promocionar o coñecemento da linguaxe estatística R e as súas aplicacións, así como proporcionar un punto de encontro para todas aquelas persoas interesadas en intercambiar as súas experiencias e atopar colaboracións do resto da comunidade.
Call For Papers
Se queres presentar un relatorio á XI Xornada de Usuarios de R en Galicia, podes facelo dentro das datas que se especifican a continuación. Todos os resumos deben enviarse utilizando o botón que figura enlazado no fondo da páxina e cumprir os seguintes requisitos:
– Deberá empregarse o modelo definido pola organización (dispoñible en formato ODT e en formato TEX).
– Os resumos deberán ter, como máximo, 4 páxinas.
– Os traballos deben enviarse en formato pdf.
– Os ficheiros dos resumos nomearanse do seguinte xeito:
“XI_XornadasR_Apelido.pdf”
onde “Apelido” debe ser o da persoa que realice a presentación.
Os traballos recibidos serán sometidos a revisión polo Comité Científico, e posteriormente notificarase por correo electrónico o resultado da revisión.
Datas importantes
Envío de resumos: 30 de setembro
Avaliación de resumos: 7 de outubro
Todos os traballos aceptados serán editados con posterioridade no Libro de Actas da Xornada, que estará dispoñible nesta mesma web.
