O Centro de Excelencia de Software Libre de Castilla-La Mancha (Ceslcam) pertencente ao Parque Científico y Tecnológico de Albacete e patrocinado pola Junta de Comunidades de Castilla-La Mancha presenta o Curso ONLINE de Programación Java para informáticos con coñecementos básicos desta linguaxe de programación. Este curso en liña forma parte da actividade deste centro que serve de medio para a difusión do Software Libre na comunidade manchega. Cunha duración de 75 horas (60 h online e 15 h en presencial) o curso ten como obxectivo principal incrementar o nivel de formación de técnicos informáticos en Java dada a crecente demanda do mercado laboral. Ceslcam dentro da súa liña xeral de difusión rexional do Software Libre planificou outros cursos sobre a distribución da Junta, Molinux, ou OpenOffice.org que se irán presentando periodicamente.
