O Pleno do Congreso dos Deputados vén de aprobar case por unanimidade (299 votos a favor, 1 en branco e unha abstención) unha proposición non de lei que insta ao goberno a promover o Software Libre entre a administración e os cidadáns.
Favorecerase deste xeito o uso de estándares abertos e o desenvolvemento de solucións libres. Entre as vantaxes salientadas polos deputados están a interoperabilidade, a adaptabilidade a todas as linguas do Estado, o aforro económico en licenzas e a racionalidade técnica e tecnolóxica.
A iniciativa partiu dunha proposta do Partit dels Socialistes de Catalunya e ten carácter “non de lei” polo que non terá consecuencias lexislativas directas aínda que por primeira vez o Congreso pronúnciase de xeito decidido a prol do Software Libre.
