Unha recente proposta na asemblea do estado de Nova Iorque propón o emprego do estándar ODF para os documentos xerados, intercambiados e preservados pola administración estatal. Deste xeito a administración melloraría en accesibilidade, capacidade de elección, interoperabilidade e independenza do provedor. Outros estados coma Texas, Conética, Florida, Minessota, Oregón e Massachusetts veñen de realizar propostas similares.
Sen embargo só en Massachusetts é oficial a adopción do estándar ODF ao igual que en diversas administracións públicas de Bélxica, Dinamarca e Francia. En Minessota estase a estudar o seu emprego e no resto de estados onde se produciron propostas similares foron rexeitadas polas asembleas estatais.
ODF é un estándar aberto soportado, entre outros, por empresas como IBM, SUN ou Google que o utilizan para as súas aplicacións de oficina.
