O OpenOffice.org 3 xa está dispoñible na súa versión Beta en galego grazas aos voluntarios do XG

O OpenOffice.org 3 Beta en galego xa está dispoñible para descarga. E ademais conta cunha interface totalmente traducida ao galego grazas ao traballo de todos aqueles voluntarios que durante o Xuventude Galiza Net 08 colaboraron na tradución da interface a través da aplicación web Entrans.

Esta versión é unha Beta polo que non se recomenda a súa instalación a usuarios sen experiencia xa que non é unha versión estable.

Hai xa unhas semanas falamos das futuras características do OpenOffice.org 3, aínda non están todas implementadas; pero van camiño de facelo e aínda quedan uns meses para a súa versión final…

As versións dispoñibles son para plataformas Linux (en formato RPM, aínda que co comando “alien” podemos exportalos a DEB), Windows e Solaris Sparc e Solaris Intel:

Para todos aqueles usuarios que proben esta versión e atopen calquera problema tanto coa súa tradución ao galego como de funcionamento, por favor pregamos no lo notifiquen a través dos foros da web.

Capturas de pantalla do OpenOffice.org 3 Beta en galego (premer para ver máis grande):

Ventá de presentación da aplicación:

Novo estilo para as follas de cálculo:

Novas opcións á hora de exportar á PDF:

Importar ficheiros .docx de Microsoft Office 2007:

Nova opción de traballo con múltiples páxinas a un tempo (abaixo á dereita):

NOTA: Dicir que esta versión polo de agora conta cun pequeno erro e é que non funciona o motor de corrección ortográfica do OpenOffice.org na súa versión para Linux (isto non pasa na versión para Windows), problema que estará solucionado na próxima compilación.

O anuncio nas listas de desenvolvemento de OpenOffice.org:
http://l10n.openoffice.org/servlets/ReadMsg?list=dev&msgNo=9087

Compartir: