O Parlamento Europeo reafirmou onte a definición de estándar aberto que está contida na actual versión do Marco Europeo de Interoperabilidade realizado polo grupo IDABC da Comisión Europea. A moción do Parlamento Europeo di textualmente:
(O Parlamento Europeo) recorda a definición de estándar aberto adoptada pola Comisión Europea segundo a cal:
- O estándar está adoptado e mantido por unha organización sen ánimo de lucro, e o seu mantemento lévase a cabo baixo a base dun proceso de decisión aberto a todas as partes interesadas;
- O estándar foi publicado e o documento de especificación do mesmo atópase dispoñible gratuitamente ou a un custo nominal;
- A propiedade intelectual -por exemplo, patentes posiblemente presentes- de (ou de parte de) o estándar atópase dispoñible de forma irrevocablemente libre de regalías.
Fonte.- Aínda non publicada polo Parlamento Europeo
