A Comisión Europea puntuou con un “sobresaínte” o proxecto OPERA 2 («Open PLC European Research Alliance» ou Alianza de Investigación Europea sobre PLC Aberta), cuxo obxectivo é desenvolver un estándar aberto para a nova xeración de tecnoloxía a través da rede eléctrica.
Este tipo de tecnoloxía sérvese das redes eléctricas nacionais para subministrar banda larga de baixo custe útil para unha ampla gama de aplicacións, como a educación virtual, a telefonía, os fogares intelixentes, os novos servizos intelixentes pola rede eléctrica, a televisión á carta, a seguridade e a saúde electrónica…
Unha vez avaliado, a Comisión Europea outorgou a OPERA a maior puntuación que un proxecto de financiamento comunitario pode alcanzar, debido a súa sólida contribución ás actividades de estandarización internacional e, ademais, ás súas excelente probas de campo, levadas a cabo para demostrar a escalabilidade da tecnoloxía desenvolvida dentro do proxecto.
Noticia completa na súa fonte orixinal:
http://www.laflecha.net
