O [[W3C]] fai pública a invitación á participación no novo Grupo de Traballo de HTML, constituído co obxectivo de crear un novo estándar HTML coa activa colaboración dos fornecedores de navegadores, desenvolvedores de software e deseñadores de contido.
“É o momento de retomar este estándar, ver que podemos facer para satisfacer as actuais necesidades da comunidade e facelo eficazmente co compromiso dos fornecedores de navegadores de forma visible e aberta,” comentou Tim Berners-Lee, Director do W3C.
Ao mesmo tempo, o W3C está organizando un Grupo de Traballo de Forms, e un Grupo de Traballo de XHTML2, así como a volta á actividade do Grupo de Coordinación de Hipertexto.
