Os responsables do OpenOffice.org Project veñen de mandar unha carta a Michael Dell para que o fabricante de computadores DELL ofreza este conxunto de aplicacións ofimáticas preinstaladas no seu ordenador. Recentemente o líder mundial en venta de equipos informáticos abriu unha web para coñecer as preferencias dos usuarios. Coma resultado a este chamamento moitos usuarios pediron de xeito masivo ter Linux e OpenOffice.org preinstalado.
A carta afirma que OpenOffice.org 2 axéitase aos valores de Dell: un software de alta calidade que corre sobre todos os sistemas operativos e ofrece aos usuarios as funcionalidades ofimáticas básicas máis algunhas adicionais. Ademais pode ler e escribir nunha ampla variedade de formatos, incluíndo total compatibilidade con Microsoft e ao estar licenciado como software de código aberto, representa un gran valor tanto para Dell como para os seus clientes.
DELL pretende certificar primeiro o seu Hardware e a partir de aí tomar unha decisión sobre o seu futuro.
