O concello de París comezou esta semana a distribuír memorias USB cargadas con Software Libre entre 175 000 estudantes de secundaria o seu profesorado.
Segundo declaracións de Jean-Paul Huchon, portavoz do goberno rexional: “Cómpre ofrecerlles aos nosos estudantes de secundaria e profesores unha solución que mellore o acceso da xente moza á informática e lles achegue ao emprego do Software Libre”. O concello declarou que o proxecto é o maior deste tipo e que o seu custo estivo arredor dos 2,6 millóns de euros.
A memoria USB ten unha capacidade de 1 GByte e ben con 19 aplicacións de Software Libre entre as que salientan o OpenOffice.org, o navegador Firefox, o xestor de correo Thunderbird etc. Na memoria hai, ademais, 600 Megas de espazo libre para almacenar datos.
Este proxecto foi anunciado en febreiro e o concello planea avalialo durante un ano. Agárdese un informe preliminar sobre a acollida dos USB para novembro.
Ligazón orixinal: idabc
