Seguindo o seu obxectivo de apoiar o desenvolvemento e o uso do software de código aberto para axudar á industria na súa carreira por medrar, o consorcio internacional QualiPSo organiza a primeira conferencia internacional: “Fomentando a innovación e o crecemento fomentando a confianza e a calidade do Software de Código Aberto”.
Esta conferencia terá lugar en Roma os días 16 e 17 de Xaneiro de 2008.
A conferencia conta co padroado da Comisión Europea e reunirá a autoridades e expertos internacionais das tendencias do Software de Código Aberto, revelará os primeiros resultados da investigación levada a cabo polo consorcio, e será un foro de debate sobre os niveis de confianza acadados polo Software de Código Aberto. Tratará os seguintes temas dende tres ángulos diferentes: político, económico e tecnolóxico:
- Aspectos legais do Software Aberto
- Confianza nos procesos e produtos Software Aberto
- Modelos de negocio e estratexias Software Aberto
- Interoperabilidade na área do Software Aberto
- Redes de Centros de competencias en Software Aberto
- Forxas de software de nova xeración
Está dirixida principalmente a executivos das TIC involucrados nas decisións sobre o código aberto nas administracións públicas e na industria, a altos cargos políticos, xestores de proxectos software, membros de comunidades de código aberto, enxeñeiros TIC…
Para máis información visitar a páxina da conferencia .
Fonte: Proxecto QualiPSo
