Atopamos este interesante curso on-line sobre produción musical a través de ferramentas libres en GNU/Linux.
O curso consta de 5 capítulos nos que se traballa coas seguintes aplicacións:
- Audacity para a gravación de audio e de ondas.
- Hydrogen para a emulación da caixa de ritmos.
- Ardour para edición de rexións, mesturas e efectos.
- Rosegarden para a instrumentación virtual.
Aínda que vén de publicarse na rede, este curso escribiuse no 2005 para a súa publicación na revista Personal Computer & Internet.
Mais, como di Pau Arumí, un dos seus autores,no seu blogue no anuncio da publicación do curso, aínda que dende hai tempo tiña o permiso da revista para publicalo on-line, non tivera tempo para o facer.
Obviamente, recoñece que algunhas aplicacións sufriron cambios dende entón pero cre que pode servir igualmente para aprender o manexo básico. Está aberto a calquera suxestión ou comentario sobre o mesmo, e aínda que en principio non entra nos seus plans actualizalo, non desbota facelo se recibe colaboracións.
Fonte: Genbeta
