Monsoon Multimedia apresurouse a admitir que violara a GPLv2 e que cambiaría o código do BusyBox para cumprir plenamente coa licenza. Finalmente, non haberá xuízo. Parece que Monsoon Multimedia entrou en razóns e resolveu de forma amistosa o preito que tiña pendente co proxecto BusyBox.
A compañía dixo nun comunicado que cumprirá con todas as esixencias da licenza do software de código aberto e que poñerá na súa web o código modificado do BusyBox nunhas semanas. O asunto deuse a coñecer á prensa cando o SFLC (Software Freedom Law Center) anunciou o 20 de setembro que ía levar a xuízo por primeira vez na historia a unha empresa por infrinxir a licenza [[GPL]].
Aínda que non é demasiado coñecido nos círculos do código aberto, BusyBox utilízase virtualmente en todos os dispositivos baseados en GNU/Linux. Combina pequenas versións das utilidades máis comúns de Unix/Linux nun único e lixeiro executable. Consegue así substituír a moitas utilidades GNU sen requirir tanto espazo.
Fonte: The Inquirir
