SEXTANTE (Sistema Extremeño de Análisis Territorial) é un proxecto desenvolvido pola Universidad de Extremadura e financiado pola Junta de Extremadura. Trátase dun desenvolvemento sobre o núcleo de SAGA, un verdadeiro Sistema de Información Xeográfica con capacidade de análise espacial, que é o que importa (máis aló de obsesións por cumprir estándares ou por ser ou non multiplataforma).
É outra das iniciativas financiadas por unha comunidade autónoma para crear unha ferramenta de análise SIX, neste caso si que pode ser unha alternativa barata de desenvolvemento (cousa que non se pode dicir de todas as ferramentas denominadas gratuítas e que están custando grandes sumas a algunhas administracións públicas). A elección do núcleo de partida (SAGA) dá unha excelente base, sobre todo se falamos de funcións de análises.
Existe documentación en Español e existen tamén ficheiros binarios (compilados) para Windows, co cal a instalación faise moito máis sinxela para o usuario non programador.
Fonte: Gabrielortiz.com
