Mahara é unha plataforma software de xestión de carteiras, tamén coñecido como “e-portfolio” do inglés electronic portfolio. O proxecto naceu especificamente para satisfacer necesidades do sector educativo e este segue a ser o enfoque principal, aínda que tamén se pode empregar en outros sectores. As principais aplicacións no sector educativo son a posibilidade de centrar a ensinanza no estudante, onde este pode ir expoñendo os seus traballos e as súas competencias, podendo estas ser avaliadas ou asesoradas por os seus titores ou profesores así como tamén ferramentas como foros e grupos para a comunicación entre os usuarios.
As principais características de Mahara son:
- Creación e compartillamento de carteira multimedia de forma personalizada e coa posibilidade de ser colaborativa.
- Organización de carteira tendo en conta competencias, tendo así unha visión de cales foron completadas.
- Escalabilidade, podendo ten múltiplas institucións e con miles de usuarios nun mesmo sitio.
- Integración con outras plataformas como pode ser Moodle ou servizos de autenticación.
- Extensión mediante plugins e paquetes de idiomas, entre os que se atopan o de galego e o de castelán.
Ligazóns
#CMS #Educacion #Formacion #Xestion
Chamilo é unha plataforma web de tele-ensino, é dicir, un xestor de contidos web deseñado especialmente para crear plataformas de formación a distancia. Ademais da solución software tamén existe a asociación Chamilo mediante a cal se coordina o desenvolvemento da solución, esta asociación tamén se encarga de xestionar a certificación dos fornecedores da solución.
Chamilo está implementado fundamentalmente en PHP e JavaScript e está liberado baixo GPL e destaca pola sinxeleza de uso. As funcionalidades máis destacadas son:
- Catalogo de cursos
- Exames con control de tempo
- Xestión de competencias e seguimento do progreso de estudantes
- Xeración de certificados automáticos
- Soporte de SCORM e LTI
- Soporte de múltiplas institucións
Ligazóns a casos de éxito
#Comunidade #Educacion #Formacion #Xestion
Moodle é unha ferramenta que permite crear plataformas virtuais de formación de sofware libre baixo licenza GPLv3, que permite a xestión de cursos en liña tanto para aprendizaxe virtual como para complementar cursos presenciais.
Está pensado de xeito social, creando un ambiente de colaboración, actividades, reflexión e crítica, con ferramentas deseñadas para o aprendizaxe virtual e tendo en conta principios pedagóxicos. O proxecto é liderado pola comunidade e conta con máis de 100.000 sitios rexistrador por todo o mundo, dos que máis de 8.000 son de España, conta en maior ou menor medida con traducións en máis de 80 idiomas, ao 87% en español internacional e ao 81% en galego.
As principais funcionalidades da lista completa son:
- Ferramentas colaborativas como wiki, foro, glosarios…
- Calendario integrado
- Xestión de ficheiros
- Editor de textos intuitivo
- Notificacións e alertas
- Informes de seguimento e progreso do alumnado
- Interface con soporte multilingüe e personalización
- Soporte de estándares abertos como IMS-LTI ou SCORM
- Extensión mediante plugins
- Xestión de competencias, cualificacións e rúbricas
#Educacion #Formacion #Xestion
O Centro Software Abalar é unha ferramenta que permite aos profesores xestionar facilmente a visibilidade das iconas das aplicacións nos equipos do proxecto Abalar para adaptalos ao uso dos alumnos de primaria ou secundaria. Os usuarios que descarguen eta ferramenta poderán configurar a visibilidade das iconas das aplicacións no escritorio do seu equipo.
