Autentia vén de liberar, baixo licenza GNU/GPL, o software que desenvolveron para a xestión da súa propia empresa co nome TNTConcept. Este software pode ser de utilidade para empresas de servizos, profesionais independentes e departamentos de desenvolvedores.
Para as PEME a información que xestionan pode atoparse espallada en multitude de soportes: follas de cálculo, correos electrónicos, documentos no sistema de ficheiros, tarxetas de visita, etc. Toda esta información, aparte de correr o risco de ser perdida (ou non atopada), non é demasiado procesable para obter coñecemento. O obxectivo de TNTConcept é proporcionar un contorno centralizado onde alimentar todos os datos do traballo cotiá e garantir o control da empresa.
Está construída coa última tecnoloxía Java (Spring, JSF, Hibernate, Maven, Subversion , etc.).
Dende a web do proxecto pódese descargar o software, ver a documentación e os vídeo-titoriais, reportar erros, novas funcionalidades a incluír en futuras versións, …
