A WhyFloss Conference pretende divulgar o Software Libre entre organismos públicos, empresas e usuarios en xeral. Este evento patrocinado pola UNED celebrarase o día 6 de xullo en Madrid e ofrecerá diversos relatorios sobre GNU/Linux, Java e OpenSolaris. A inscrición é gratuíta e pode realizarse dende a web do congreso.
As conferencias abordarán temas como virtualización en GNU/Linux, solucións criptográficas en Software Libre, investigación biolóxica con aplicacións libres ou varios casos de éxito na universidade empregando este tipo de tecnoloxías.
