Mes: Maio 2006

O equipo de KOffice presentou onte a primeira versión de corrección de erros na serie 1.5 de KOffice. ‘Bugs’ críticos en KSpread, Kword e Krita arranxáronse grazas ás contribucións dos usuarios que notificaron os erros.

Recordamos que esta suite ofimática, de código aberto, inclúe soporte nativo para OpenDocument Format dende a versión 1.5, ademáis de que está localizada ao galego…

Destacar que aos usuarios do programa Kexi non se lles aconsella actualizarse de momento debido a un ‘bug’ crítico descuberto moi tarde no proceso de liberación desta última versión que impediu que se correxira. De todas maneiras o equipo de KOffice anunciou que a próxima versión 1.5.2 que arranxará este problema, sairá nun mes.

Podes ler máis sobre este tema na nota de prensa, e no anuncio completo. A lista completa de cambios tamén está dispoñible.

Actualmente xa podes descargar os paquetes binarios para as seguintes distribucións: Kubuntu e SUSE.

A Aula TIC-PEME da Universidade de Santiago de Compotela organiza as Primeiras Xornadas de aplicacións Web de Software Libre para a PEME. Este venres 25 de maio impartirase o primeiro relatorio. A inscripción é gratuita e se pode facer a través da dirección web http://www.usc.es/atpemes.

As Xornadas están orientadas a:

Coñecer Os Mellores Exemplos de Aplicacións Web de Software Libre de “Alto Impacto Actual”

  Plataformas de éxito: Xestores de Contidos para a construcción de portais web externos, internos e mixtos, (Mambo, Drupal, Typo3); Sistemas de Publicación Web para a creación de periódicos internos, externos, e-catálogos de productos, e-revistas, Bibliotecas de empresa, Boletíns de Asociaciones, … (SPIP, WordPress, e outros); Plataformas de e-formación (Moodle, Claroline); e así sucesivamente en cada unha das sesións programadas.

  Analizar exemplos reais de interese, coñecer as plataformas por dentro, comprobar as súas capacidades e curvas de aprendizaxe, comprobar a súa usabilidade, estimar a dificultade-facilidade de instalación e posta en marcha, estimar áreas de uso experimental, etc.

  Coñecer plataformas de Software Libre que están a ser usadas en empresas multinacionais, ONGs internacionais e locais, universidades de renome, ministerios gubernamentais e organismos internacionais, e que en moitísima menor medida estanse tamén a utilizar, a nivel global, nas pemes e nas súas asociacións.

  Manter uns foros temáticos de debate sobre estas ferramentas, abertos ao longo da duración das xornadas, e accesibles despois da súa finalización.

Máis información: http://www.usc.es/atpemes/article.php3?id_article=44 

A terceira conferencia internacional sobre a GPLv3 terá lugar o 22 e 23 de xuño en Barcelona.

As conferencias internacionais sobre a GPLv3 forman parte dun longo ano de proceso de consulta pública para actualizar a GNU General Public License ([[GPL]]), a máis usada das licenzas libres de software. As anteriores conferencias tiveron lugar en USA e Brazil.

A versión 2 da [[GPL]] foi creada en 1991, e esta versión actual reflicte os cambios legais e técnicos nos cales as licenzas de software se moven, e necesitan incrementar a protección contra novos perigos como as patentes de software e a xestión de dereitos dixitais, tamén coñecida esta tecnoloxía como DRM.

Texto completo e fonte da nova: Free Software Foundation  

A posición do OpenDocument Format (ODF) acaba de ser reforzada, aínda máis, por “K Desktop Environment “, ao unirse á ODF Alliance .

KDE únese así, xunto con outras grandes compañías e institucións como Oracle, SUN Microsystems, Mandriva, IBM e a Junta de Andalucía na promoción do OpenDocument Format como o lider de mercado en intercambio de ficheiros…

O OpenDocument Format para aplicacións ofimáticas mellora a transparencia e compatibilidade de rexistros críticos asegurando o uso dun formato de ficheiro aberto, e de sistema operativo neutral, non dependente dunha única compañía, polo cal o acceso a información que contén poderase facer sempre que se queira dende Software Libre.

Texto completo da nova: www.kde.org  

Motorola lanza o portal http://opensource.motorola.com, un novo recurso para a compartición de código fonte, novos proxectos e intercambio de información e ideas entre desenvolvedores de código open source.

O seu principal obxectivo e animar a aqueles desenvolvedores interesados en contribuír cos teléfonos Motorola baseados en GNU/Linux (como o novo A1200), ben directamente no firmware como no desenvolvemento de aplicacións (nativas ou Java) para eses teléfonos.

Este tipo de compromisos de grandes compañías como Motorola co mundo do software libre pode ser un bo paso, e un exemplo a seguir por parte doutras empresas.

Visto en Slashdot  [slashdot.org]