A forxa de mancomún supera os 100 usuarios e chega xa a 45 proxectos en diferentes áreas temáticas. Desde a súa creación, a forxa é un importante referente galego no ámbito do Software Libre. O crecemento dos proxectos dáse, sobre todo, nas áreas de «Universidades» e de «Administración pública»…
- Administración Pública (7 proxectos)
- Concellos (2 proxectos)
- Ensino primario / secundario (5 proxectos)
- MicroPEMES (1 proxectos)
- Ocio (3 proxectos)
- Outros colectivos (10 proxectos)
- PEME (5 proxectos)
- Universidades (7 proxectos)
Desde o seu comezo, a Forxa conta cunha comunidade activa dedicada a proxectos de diferente índole temática cun crecemento progresivo e constante, sobre todo nas áreas anteriormente citadas e tamén no ámbito das PEME.
O seu futuro pasa por proxectos de xestión para PEME como a xestión de vendas (TPV, o xestor de hotel, etc).
Cómpre salientarmos os proxectos: Traducíndote, e gtranslator do que se está a facer unha completa reconstrución.
Para alén diso, a Forxa conta tamén con novos proxectos como SXBD estándar-completo, a Xestión documental de centros educativos, o loga, a reenxeñaría de gtranslator etc. que están a ser un éxito.
Este éxito é tamén posible debido á diversidade de áreas en que a comunidade está especializada, un feito que fai da Forxa un proxecto moito máis rico e atractivo.
