Autor: Alberto

O ‘OpenDocument’ é un formato estándar, ISO 26300, de arquivos de ofimática para o almacenamento de documentos tales como textos (.ODT), follas de cálculo (.ODS), gráficos (.ODG) e presentacións (.ODP).

Microsoft vai desenvolver ferramentas para a conversión dos seus novos formatos ‘Open XML’ a ‘OpenDocument’ de xeito que as súas aplicacións poidan manexar documentos xerados con programas ofimáticos rivais baseados no devandito estándar. Estas ferramentas serán desenvolvidas coa axuda das compañías ‘Clever Age’ de Francia, ‘Aztecsoft’ de India e ‘Dialogika’ de Alemania.

A ferramenta para “converter” os arquivos a ODF (Open Document Format) denominarase ‘Open XML Translator’, desenvolverase baixo licenza BSD e xa conta coa súa páxina en SourceForge.net. Agárdase que a versión para ‘Word’ estea dispoñible a finais deste ano e as de Excel e PowerPoint no 2007.

Fonte: CDT Internet 

Coincidindo coa campaña Defective By Design promovida pola Free Software Foundation en defensa das liberdades dixitais, o articulista da revista Linux Journal, Bruce Byfield, fala neste artigo das principais razóns para reflexionar sobre este tipo de tecnoloxías.

Fonte.- Linux Journal. 

No mes de xullo presentouse o informe de investigación “O software libre en Catalunya e en España” realizado pola UOC (Universitat Oberta de Catalunya) que trata de dar unha versión global sobre o uso do Software Libre na administración, no ámbito empresarial e no tecido asociativo.

Este informe, escrito en castelán, está dispoñible na páxina web: portal.uoc 

Openbravo é un sistema de xestión empresarial integrado (tamén coñecido como ERP) en software libre e baseado en web, enfocado a empresas de mediano e pequeno tamaño (pemes).

O equipo de desenvolvemento de Openbravo encóntrase xa na fase final de probas preparatorias para o lanzamento de Openbravo 2.11 para PostgreSQL, unha recoñecida base de datos relacional en código aberto. Esta nova capacidade espérase que estea dispoñible para principios de agosto de 2006.

Tras numerosas peticións por parte da comunidade para dotar a Openbravo de soporte a unha base de datos en código aberto, a xente de Openbravo decidiu incluíla.

Coa recén engadida capacidade, os usuarios que busquen un ERP con tódolos compoñentes en código aberto poderán encontralo en Openbravo.

Ademais, estarán presentes na LinuxWorld de San Francisco, a feira máis importante dedicada ao Open Source, onde presentarán Openbravo aos medios de comunicación e posibles socios.

Dende que foi lanzado, Openbravo foi descargado máis de 10.000 veces, convertíndoo no terceiro programa en actividade na categoría ERP de SourceForge e chegando ao top 100 dunha lista global na que hai máis de 200.000 proxectos (ver estatísticas de SourceForge).

O formato OpenDocument  (ODF) continúa obtendo apoios de gobernos locais e nacionais. A Alianza ODF ven de anunciar que ten máis  de 280 membros, entre organizacións, gobernos e compañías.

Un dos últimos adeptos é Malasia, onde se acaba de aprobar que o seu sector público comece a usar o formato ODF desde finais deste ano.

Boeing acaba de firmar un acordo coa compañía Wind River Systems para introducir o sistema operativo GNU/Linux no seu novo avión militar, así como outros produtos creados baixo código aberto.

A distribución Wind River encargarase da vixilancia e doutro tipo de tarefas informáticas no novo avión P-8A Multi-Mission Maritime…

Fonte: laflecha

CompostelaWireless anuncia que motivados pola aceptación do público do Festigal os pasados 24 e 25 de este mes, adicará as próximas 4 edicións do Obradoiro Aberto á instalación e uso do OpenOffice.org e da distribución do sistema GNU/Linux Ubuntu.

Os obradoiros terán lugar os días 1, 8, 15 e 22 de Agosto, de 19:00 a 21:00. A entrada é libre e pódese acudir calquera día en calquera momento e durante o tempo que se precise para resolver as dúbidas e recibir axuda na instalación e uso do software mencionado.

Quen queira un CD da última versión de Ubuntu (Dapper 6.06 LTS) ou do OpenOffice.org traducido ao galego poderá levar unha copia se se achegan polo obradoiro.

Fonte: CompostelaWireless  

Xa se coñecen cales serán os premios para os gañadores do I Concurso universitario de Software Libre. Serán catro premios de 1000 euros para os proxectos gañadores en cada unha das 4 categorías e catro premios de 400 euros para os finalistas.

En xuño xa saíran as bases deste primeiro concurso, co que se pretende fomentar a creación de proxectos  Software Libre entre os estudantes universitarios.

Polo momento só está aberta a fase de inscrición de patrocinadores do concurso entre os que se atopan a Junta de Andalucía, a Junta de Extremadura, Fidetia e Islanda, polo de agora.