Autor: Alberto

O “Ministerio de Industria, Turismo y Comercio ” porá en marcha o “Centro Nacional de Referencia de Aplicación de las Tecnologías de la Información y Comunicación basadas en fuentes abiertas” (CENATIC).

O CENATIC terá a súa sede en Almendralejo, e ten como obxectivo o de promover o coñecemento das tecnoloxías baseadas en Software Libre…

O CENATIC desenvolverá proxectos innovadores baseados na colaboración das institucións nacionais, europeas e iberoamericanas.

Contribuirá a colocar a España como referencia no ámbito do Software Libre.

Para a súa posta en funcionamento constitúese a Fundación CENATIC que integrará a participación dos diversos estamentos da administración pública, a empresa privada e a universidade.

A inversión prevista para o desenvolvemento das actividades para o período 2006-2007 alcanzará un total de 3.500.000 euros aportados polo “Ministerio de Industria, Turismo y Comercio “, Red.es e a Junta de Extremadura.

Enlace á nota de prensa do Ministerio con toda a información: Ministerio de Industria, Turismo y Comercio

A fundación  “One Laptop per Child” (un portátil por neno), que fabrica ordenadores a prezo moi reducido, sobre 100$ a unidade, para nenos de países en vías de desenvolvemento, colaborará coa Junta de Extremadura para incorporar a estes ordenadores o sistema gnuLinEx.

Ademais, segundo informa a Junta, esta fundación sacará proveito da experiencia do sistema educativo extremeño na incorporación do ordenador na aula.

O propósito é que gnuLinEx poida ser empregado nos primeiros ordenadores da cadea de producción e que no verán do 2007 técnicos e profesores extremeños participen nun seminario que terá lugar en Nebraska (EEUU)  para crear a rede de coñecemento que se fará ao redor do proxecto.

Fonte da noticia: Junta al día  

O día 25 de xullo o consello de goberno da “Junta de Extremadura” aprobou que a información electrónica xerada e de intercambio nos distintos órganos que estruturan a “Junta de Extremadura” empregará obrigatoriamente formatos estándar.

Do mismo xeito aprobouse que de forma inmediata, as ferramentas informáticas de productividade persoal para todos os empregados públicos da Junta serán as implementacións ofimáticas libres que soporten obrigatoriamente en modo nativo os estándares establecidos.

Tamén se establece como sistema operativo de uso obrigatorio nos postos de traballo dos empregados públicos da Junta de Extremadura, gnuLinEx.

O prazo máximo para materializar esta iniciativa é dun ano comezando a contar a partir da aprobación do acordo.

Fonte: Junta al día . 

Google vén de se unir á ODF Alliance. 

Google, propietaria do procesador online writely xa ofrece soporte ao formato odf. A recente folla de cálculo online, lanzada por Google hai un par de meses, aínda non da soporte a este formato, pero logo desta unión á alianza, semella que Google vai apostar polo estándar odf.

Will Rodger, director de políticas públicas na Computer and Communications Industry Association (CCIA) dixo que “cando unha compañía coma Google pon o seu nome detrás dun esforzo para promover o formato OpenDocument é sinal de que non se trata dunha tecnoloxía de paso, senón dunha que avanza firme e rapidamente”.

O número dos Sistemas de Xestión de Contidos (CMS) dispoñibles baixo Software Libre segue aumentando. Unha breve visita a cmsmatrix ou a opensourcecms, que son recursos excelentes para comparar as distintas opcións, indica a existencia de máis duns cantos centos deles. ¿Cal é o mellor?

Packt, unha compañía do Reino Unido decidiu contestar a  esta pregunta coa concesión do premio ao mellor Sistema de Xestión de Contidos baseado en Software Libre …

O concurso constará de dúas fases:

O gañador recibirá un premio de $5.000, mentras que o segundo e o terceiro finalista recibirán $3.000 e $2.000 respectivamente.

Pódese ler a nova completa, xunto cunha entrevista ao creador do premio (Damian Carvill) na fonte orixinal da nova (en inglés):

Fonte da nova: NewsForge

Firefox 2 beta 1 está dispoñible agora para a súa descarga directa. Éste é o cuarto hito liberado co obxecto de probar as funcionalidades principais das novas características e o cambio na plataforma de programación para Firefox 2.

Un dos principais problemas que se prantexa o usuario de Windows que pretende instalar GNU/Linux no seu PC é como facer as particións necesarias no disco duro sen estragar o Windows, dispoñendo así dun sistema con arranque dual Windows/Linux.

Nestes 4 vídeos en linux.com explican paso a paso e moi polo miúdo como facer estas particións utilizando o LiveCD do Gnome Partition Editor

A empresa  Aldebaran Robotics , con sede en París, espera vender a principios do 2007 o seu primeiro robot para servizo doméstico, que operará baixo o sistema operativo GNU/Linux.

O principal obxectivo desta empresa é crear “androides” autónomos, robustos e de fácil programación. Este produto, coñecido como “Nao”, “competirá con outros modelos en termos de funcionalidade” segundo afirma a compañía.

Este robot  andará, falará, terá un sistema WiFi para ser comandado a distancia e medirá 55 cm. de alto. Ademais, terá 23 “niveis de liberdade” de movementos e posuirá brazos en forma de pinzas.

Fonte: linuxdevices 

Os luns e mércores do mes de agosto, ao serán, celebraranse a partires das 21:15 unha serie de relatorios-conferencia no Salón de Actos da Casa de Cultura de [[Rianxo]].

Son relatorios básicos, dirixidos ao público en xeral; é dicir, non fai falla ter coñecemento algún, e que axudarán a entender un pouco en que consiste o Software Libre, coñecer alternativas aos programas máis usados…

e descubrir novas tecnoloxías e as posibilidades que nos brindan.

Estes relatorios serán impartidos por persoas das tres asociacións das novas tecnoloxías que hai no Concello: Rianxo Sen Cabos, Taragoña Wifi e A Torre Wireless.

A asistencia é libre e gratuíta, e os relatorios terán lugar dende o 31 de xullo ao 30 de agosto, os luns e mércores de cada semana a partires das 21:15

Máis información chamando aos teléfonos 981 86 66 63/ 981 86 63 91 ou por correo electrónico a: informatica@rianxo.com ou na web do Concello de Rianxo