Alberto – Páxina 123

Oki Printing Solutions presenta novas impresoras compatibles con Linux.

A multinacional OKI Printing Solutions, líder en servizos de impresión, presentará mañán en Mérida as súas novas solucións de impresión e terminais para punto de venda certificados para Linex, a distribución GNU/Linux da Junta de Extremadura.

Estas solucións permitirán ao mundo do Software Libre contar con equipos de impresión profesionais totalmente compatibles. …

O evento enmárcase no proceso xeral de homologación de produtos de OKI Printing Solutions para o entorno Linex. OKI mantén un acordo coa Junta de Extremadura dende abril de 2005, co obxectivo de apoiar o proxecto de liberación de software implantado polo órgano de goberno da Comunidade e reforzar o modelo de colaboración entre empresas e administracións públicas baseado no Software Libre.

Fonte: Web da Conferencia Internacional de Software Libre .

Color Palettes: Paletas de cores unificadas para Software Libre

O presente proxecto é unha recopilación de Paletas de Cores para o seu uso en programas de Software Libre como Gimp, Inkscape ou Krita, ademáis da creación dunha versión personalizada da paleta de cores Pantone : PANTANO Coated, todo iso creado por jEsuSdA…

O proxecto xurdiu porque polo de agora Gimp, Inkscape e Krita instálanse e configúranse cun determinado número de paletas de cores. Isto é moi útil, pero xorden algúns problemas:

As paletas que se ofrecen con cada un dos programas, non son as mesmas, o que dificulta a operabilidade entre as aplicacións.
Ningunha delas ofrece unha paleta de cores compatible co programa de maquetación Scribus, moi usado entre os amantes do Deseño no mundo do Software Libre. Isto tamén presenta un problema grave de interoperabilidade entre as aplicacións mencionadas.
Non existe ningunha paleta de cor compatible con Pantone. Ter un sistema de referencia de cores Pantone é realmente útil e necesario para a realización de determinado tipo de traballos de imprenta.

O traballo feito por este usuario foi o seguinte:

Unificar todas as paletas. Ahora tanto Gimp, Inkscape como Krita usarán as mesmas paletas de cor.
Crear una versión da paleta de cores de Scribus compatible con Gimp, Inkscape e Krita.
Crear unha versión personalizada da paleta de cor Pantone: PANTANO Coated.
Engadir algunhas paletas novas e completar algunhas das existentes. Algunhas baseadas en PANTANO e outras de diversa utilidade.
Crear un sistema de instalación sinxelo para todo isto.

A páxina onde podemos atopar estes recursos é a seguinte:

http://jesusda1.f2o.org/projects/colorpalettes/index.html

Fonte da nova: GLUG

Campaña OpenOffice: "Take the test drive – keep the car!"

“Microsoft ofréceche que probes “online” o futuro aspecto visual do Office 2007 para cando finalmente esté á venda; pero a comunidade de OpenOffice.org invítache a algo mellor:

Descárgate o OpenOffice.org 2 para unha proba, e si che gusta, úsao todo o tempo que queiras..”

Así reza a nova campaña de promoción de OpenOffice.org…..

“Take a test drive, keep the car!”. Este é o nome da nova campaña, e que está relacionado co nome que lle deu Microsoft á súa campaña de promoción do Office: “Take a test drive”.

Dende o anuncio da promoción do OpenOffice.org resaltan algunhas das diferenzas máis importantes entre as dúas suites ofimáticas:

“Como MS-Office, OpenOffice.org 2 é unha completa suite ofimática con procesador de textos, folla de cálculo, presentacións, debuxos e bases de datos.”
“Como MS-Office, OpenOffice.org 2 usará correctamente todos os teus documentos existentes en MS-Word, MS-Excel, e MS-Powerpoint”
“Ao contrario de MS-Office, OpenOffice.org 2 está libre de cargo por uso para calquera propósito: doméstico, educativo, gubernamental ou comercial”
“Ao contrario de MS-Office, o usuario non ten que preocuparse de que poida ser levado a xuizo por non ter unha licenza válida.”
“Ao contrario de MS-Office, OpenOffice.org 2 inclúe valiosos extras, como a posibilidade de crear ficheiros pdf”
…

“Entón, porque perder o tempo probando unha impresión artística dun software, cando podes desfrutar dunha alternativa real“.

Take a test drive – get OpenOffice.org today!

Campaña do OpenOffice: http://why.openoffice.org/

Pon un planetario no teu PC, Stellarium 0.8.1 acaba de saír

Stellarium é un planetario baseado en Software Libre para o teu PC. Mostra un ceo realista en 3D, tal e como o ves ti cos teus propios ollos, a través de prismáticos ou cun telescopio…

Stellarium é multiplataforma e a nova versión (0.8.1) que acaba de saír corrixe algúns erros da anterior versión…

Para empezar a usar o programa hai que establecer as nosas coordenadas e listo.

Algunhas das características de Stellarium:

sobre 120.000 estrelas do catálogo Hipparcos con información
imaxes de nebulosas
via láctea realista
atmósfera,amencer e solpor moi realistas
os planetas e os seus satélites
zoom potente
control horario
interface en varios idiomas
grabación de sesións
interface gráfico e control mediante teclado configurable
simulación de eclipses
estrelas fugaces
personalizable: engade obxetos, terreos, imaxes de constelacións, …

Máis información na súa páxina web: http://www.stellarium.org/

O goberno belga empregará OpenDocument

O goberno belga empregará o formato OpenDocument (aprobado pola ISO) para a súa comunicación interna. Na elección valorouse o formato de OASIS fronte o formato XML de Microsoft. Con esta iniciativa, que poráse en práctica a partires de Setembro de 2008, e para o cal o goberno belga formará a todo o seu personal, todos os intercambios de documentos empregarán o OpenDocument.

Máis información en OSNews .

Novas recopilacións de Software Libre en cdlibre.org

A páxina cdlibre.org acaba de sacar unha nova recopilación de Software Libre para a plataforma MS-Windows correspondente ao mes de xuño. Ademais de poder descargar as recopilacións pódese consultar o amplo catálogo de programas ou facer a subscrición ao boletín de novidades.

Versión 0.44 do Inkscape

Acábase de lanzar a versión 0.44 do Inkscape. Este programa é unha ferramenta de debuxo multiplataforma de código aberto para gráficos vectoriais SVG.

Os paquetes para Linux, Windows e Mac OS X están dispoñibles en:

http://sourceforge.net/project/showfiles.php?group_id=93438

Algunhas capturas de pantalla pódense atopar en:

http://www.inkscape.org/screenshots/

Mais información: lwn.net

Conferencia de Eben Moglen sobre GPLv3

A semana pasada Eben Moglen, avogado da [[FSF]] participou na III Conferencia Internacional sobre a GPLv3, celebrada en Barcelona; nela falouse do próximo borrador da licenza e a súa implicación…

Entre outros asuntos, Moglen falou da localización das licenzas, algo que estaba a dar problemas en moitos países, debido aos termos legais empregados.

A transcripción da conferencia pode lerse en barrapunto .

Cada vez máis PEMEs empregan Software Libre en Estremadura

Durante as xornadas sobre “Transferencia de tecnoloxía en Software Libre para a mellora da competitividade empresarial“, celebradas recentemente en Cáceres e Badaxoz, o director do Centro de Novas Iniciativas da Xunta de Estremadura, Francisco Huertas, manifestou que “hai cinco anos non había nin unha soa firma que utilizase Software Libre en Estremadura e agora son máis de 30, e algunhas delas de gran capacidade.”

Este incremento reflicte as distintas iniciativas que está a desenvolver o goberno estremeño para estender o Software Libre máis alá do ámbito educativo, facilitando a súa incorporación tanto para as PEMEs TIC como para as usuarias de Software Libre.

Fonte.- Región Digital

CatPL e Novell colaborarán a prol do Software Libre

Albert Calvet, presidente da Asociación Catalana de Empresas de Programación Libre (CatPL) e Miguel de Icaza, director de desenvolvemento de Novell, acaban de asinar un acordo de colaboración para desenvolver iniciativas dirixidas ao fomento e promoción do Software Libre.

O acordo facilitará o intercambio de documentación técnica, participación en programas de formación e especialización, estandarización do software libre en Catalunya, comercialización conxunta de solucións, elaboración conxunta de propostas comerciais e organización de conferencias e xornadas técnicas.

Fonte.- La Vanguardia

O parlamento Danés alcanza un acordo sobres os estándares abertos

O Parlamento danés alcanza un acordo sobre os estándares abertos tras once horas de debate

Fonte: Open Source News – 16 June 2006 – Denmark – Policies and Announcements (http://ec.europa.eu/idabc/en/document/5650/469)

Despois de semanas de quentes debates, o parlamento danés acadou unha resolución o desenvolvemento de estándares abertos para aplicacións públicas no ano 2008

O borrador de resolución sobre estándares abertos foi recopilada e presentada por Morten Helveg do partido Social Liberal. A moción acadou forte resistencia polo goberno do partido Liberal Conservador ata que o partido pro-gubernamental do Pobo Danés tamén posicionouse a favor do plan.

Despois de moitas negociacións entres os diferentes grupos parlamentarios, os membros do parlamento aprobaron a resolución só horas antes das vacacións de verán. “Dinamarca e agora unha nación con un mandato parlamentario favorable aos estándares abertos”, escribiu John Gotze, un consultor independente Danés defensor do Software de Código Aberto.

A resolución parlamentaria conducira a adopción do formato de documento aberto (ODF) polos servizos do goberno Danés. O ministro de Ciencia, Tecnoloxía e Innovación elaborará un plano para que todolos documentos sexan dispoñibles en ODF para o mes de setembro de 2006.

ODF é tamen coñecido como o OASIS Open Document Format para aplicacións ofimáticas. Este formato de Documento Aberto pode usarse para almacenar e intercambiar documentos ofimáticos tales como follas de cálculo, bases de datos e presentacións. O estándar basease no formato de ficheiro XML creado orixinalmento por OpenOffice.org.

© European Communities 2006
Reproduction is authorised provided the source is acknowledged.
The views expressed are not an official position of the European Commission.

Software Libre e democracia

Visto en vieiros.com, artigo de opinión de Miguel Vázquez Freire sobre o Software Libre e a súa relación coa democracia….

Fonte: vieiros.com

O goberno belga escolle OpenDocument

A partires de setembro do 2008 o formato OpenDocument (ODF) será o formato estándar para o intercambio de documentos dentro do goberno belga.

Co uso de estándares abertos tratan de evitar ser dependentes dalgún distribuidor en particular.

Fonte:News.com

GNU/Linux para móbiles ten nome e apelidos

Ao fío da nova xurdida do consorcio entre empresas para o desenvolvemento dun sistema operativo libre para móbiles co sistema operativo [[GNU/Linux]], xa é público a empresa que vai facer posible este feito.

‘A la Mobile’ que así se chama a compañía, vai basear o novo GNU/Linux no [[kernel]] 2.6, integrará un navegador baseado en web 2.0 e moitas outras novidades.

Esta empresa desenvolveu a nova plataforma GNU/Linux para Smartphones móbiles, comprendendo a solución:

O kernel
O middleware
A capa de aplicacións

A utilización desta plataforma, afirma a compañía, axudaralles aos fabricantes destes teléfonos na redución dos custos ademais do tempo de desenvolvemento, probas e despegamento.
Este proxecto vai estar dinamizado por xente da OSDL

Fonte: a la mobile

Lánzase a distribución Xandros 4.0

Acábase de lanzar Xandros 4.0, a nova versión da distribución Linux Xandros Desktop baseada nunha Debian Sarge .

Inclúe KDE 3.42 como contorna de escritorio. Por programas, ademais das máis recentes versións das aplicacións da familia KDE, Firefox, Thunderbird e a suite ofimática OpenOffice.org 2.0, engade novas utilidades para facilitar a migración dende Windows…

Así, por exemplo inclúe un programa (Paragon Software Group’s NTFS) que permite tanto a lectura como a escritura de discos formatados con NTFS en Windows.

Tamén facilita a migración de usarios de Windows XP, ou outras versións de Windows, ao incorporar o programa Versora que permite aos usuarios importar as súas configuracións de Windows, datos e ficheiros (email, fotos e música) ao cambiar a Xandros.

Por último, Xandros 4 tamén incorpora CodeWeavers CrossOver Office que permite a execución de programas de Windows como Microsoft Office.

Fonte: DesktopLinux

eyeOS, o escritorio virtual

eyeOS é unha contorna de escritorio web baseado en Software Libre, tamén coñecido como sistema operativo web ou oficina virtual. Con eyeOS podes organizarte, traballar e divertirte en calquera parte, usando o teu escritorio web totalmente personalizado…

Tres xoves cataláns son os creadores deste proxecto, eyeOS, que permite escribir documentos ou escoitar cancións sin un editor de textos ou un reprodutor de música no ordenador…

O primeiro que sorprende de eyeOS é a xuventude dos seus creadores: Pau García-Milà, o programador, ten 18 años, igual que Marc Cercós, deseñador. David Plaza, tamén deseñador, ten 22. Son tres amigos de Olesa de Montserrat (Barcelona), que nun ano conseguiron un gran éxito internacional cunhas 30.000 descargas da versión para todo tipo de servidores e 56.000 do executable para Windows.

Para probar eyeOS, soamente se necesita unha conexión a Internet. O visitante pon o seu nome de usuario e chave e ten ao seu alcance un xestor de arquivos, editor de textos, axenda, xestor de ligazóns, calendario, calculadora e mensaxería interna. Pode engadir 60 aplicacións, dende programas para música ou vídeos hasta mapas e xogos. Se garda as súas fotos, documentos e arquivos multimedia no servidor de eyeOS, poderá recuperalos desde un cibercafé, unha consola ou un teléfono móbil en calquera lugar do planeta.

Máis información en www.elpais.es ou na páxina web do proxecto eyeOS

Servidor gratuito para probar eyeOS: www.eyeos.info

Compartir:

Compartir:

Compartir:

Compartir:

Compartir:

Compartir:

Compartir:

Compartir:

Compartir:

Compartir:

Compartir:

O Parlamento danés alcanza un acordo sobre os estándares abertos tras once horas de debate

Compartir:

Compartir:

Compartir:

Compartir:

Compartir: