Autor: Alberto

“Elephants Dream“, a primeira película feita integramente en software libre xa está dispoñible para a súa descarga dende a web dos creadores do proxecto. Ademais distribúese baixo unha licenza [[creative commons]].
Se se quere contribuir ao proxecto, pódese encargar un DVD cun coste de 35 €  que inclúe a película en alta calidade, os subtítulos en 34 idiomas, o “making of” da  película, onde mostran o proceso de creación, e todos os arquivos fonte da mesma.

Xa se poden pedir os CDs da vindeira Ubuntu 6.06 (Dapper Drake) para recibilos gratis no enderezo que se indique. É preciso dispor dunha conta en Launchpad para facer as solicitudes.
Nesta ocasión, pódense pedir CDs de Ubuntu, Kubuntu e Edubuntu. Polo momento a cantidade limítana a 10 pero probablemente máis adiante eliminarán este límite como aconteceu en anteriores ocasións. 

A convocatoria 1/2006 de axudas do PROFIT na área de Tecnoloxías da Sociedade da Información destinaba 12 millóns de euros a proxectos de software de código abierto, 3 para subvencións e 9 para préstamos. Ao peche da convocatoria presentáronse 38 proxectos de Software Libre, o que supón un 3% do total de proxectos presentados, por un total de 10 millóns de euros. …

Estes datos foron aportador por David Cierco, “Director General para el Desarrollo de la Sociedad de la Información”, durante a súa intervención, o pasado 5 de maio, na reunión en Madrid da ‘Coordination Action for Libre Software’ (CALIBRE), celebrada no Ministerio de Industria, Turismo y Comercio.Na súa intervención destacou tamén que coa maior utilización deste tipo de software acadarase un menor coste de implantación e unha menor dependencia da tecnoloxía extranxeira.

Fonte: CDT Internet Madrid  

Na reunión anual do grupo de usuarios de Lotus Notes en Alemaña, IBM afirma que os usuarios da próxima versión de Notes poderán crear, editar e salvar documentos nativamente no formato OpenDocument, recentemente aprobado pola ISO. A nova versión entrará en beta pública este outono.

Sun Microsystems está planeando liberar o código da linguaxe de programación Java, segundo anunciou o director executivo da compañía Jonathan Schwartz, na conferencia JavaOne que se está a celebrar en San Francisco.

Schwartz afirmou “A cuestión non é se faremos Java open source, senón que agora a cuestión é como”. Coa liberación do código fonte, Sun espera atraer a un novo grupo de desenvolvedores que rexeitaron o uso deste linguaxe a causa da licenza do software.

IBM promove esta liberación dende fai tempo, pero poden ser a presión de Mono, versión libre de .NET, e as dificultades de incorporar Java nos sistemas operativos libres, as que obriguen finalmente a Sun a dar o paso final.

 A maior preocupación de Sun é controlar a fragmentación de Java que se produciría se grupos de desenvolvedores se separaran da comunidade principal de Java e formaran grupos independentes con diferentes rumbos.

Este é un proxecto fundado en setembro do ano 2000 por Francis J. Skettino. Na web de OSWD pódense atopar deseños para Blogs persoais, para content managements systems (CMS) e ata portais corporativos. Coa axuda da comunidade, este proxecto continuará para axudar ao deseño web.

Fonte: oswd

O Conselleiro de Innovación e Industria, Fernando Blanco, presentou esta mañá en Santiago as novas aplicacións informáticas en software libre que se poderán descargar de balde dende o noso portal. En concreto, Fernando Blanco presentou a tradución ao galego do paquete ofimático Open Office 2.0, así como dun corrector ortográfico baseado na normativa oficial da lingua galega actualmente vixente. …

A Directora Xeral de Promoción Industrial e da Sociedade da Información, Elena Veiguela, inaugurará o acto ás 9:30, xunto co Reitor da Universidade de A Coruña, José María Barja. O programa é o seguinte:

09:30-10:30 Inauguración da Xornada de Software Libre no Dia de Internet
D. Jose María Barja Perez
Reitor da Universidade da Coruña
Dña. Elena Veiguela Martínez
Dir. Xeral de Promoción Industrial e da Sociedade da
Información

10:30-11:15 Rede Internacional das Administracións Públicas polo Software
Libre
D. Marcelo D’Elia Branco

11:15-12:00 Filesystem Name Spaces
D. Christopher Hellwig
Linux Kernel Developer

12:00-14:00 Mesa Redonda: O Software Libre nas Universidades Galegas
Representante da Universidade de Santiago de Compostela
Representante da Universidade de Vigo
Representante da Universidade da Coruña

16:30-17:30 Reflexións sobre o Software Libre
D. Ernst Leiss
University of Houston

17:30-18:30 Software Libre: en defensa do proceso creativo e intelectual
D. Jaime Villate Matiz
Universidad de Porto

18:30 Clausura das Xornadas

A actividade formativa, cunha duración de máis de 500 horas, vai dirixida a persoas desempregadas e está promovida pola Consellería de Traballo e cofinanciada polo Fondo Social Europeo. O programa enmárcase dentro das iniciativas que se veñen tomando pola Xunta para potenciar o Software Libre coa intención de adaptar a oferta formativa á demanda existente para este tipo de plataformas abertas.

Fonte: GLUG  

A Universidade Politécnica de Madrid (UPM) e a empresa de Software Libre Ándago traballan conxuntamente en Open Cities, unha iniciativa subvencionada polo programa Profit para crear unha plataforma telemática de e-Administración dirixida a entidades locales. Open Cities está orientada a procesos, documentos e servizos.

A Deputación de Toledo converterase na primeira administración que adoptará un
modelo de e-administración coa plataforma Open Cities.

Segundo Ándago, as vantaxes de desenvolver software seguindo o modelo do Software Libre son múltiples: flexibilidade da plataforma, custo compartido e inferior ao de solucións comerciais, facilidade de ampliación das funcionalidades e escalabilidade do sistema para futuras ampliacións e novos servizos e usuarios. A plataforma será licenciada baixo [[GPL]].

Fonte: Europa Press