Autor: Alberto

Fonte da nova:
http://www.linuxhaxor.net/2007/09/05/68-linux-related-free-e-books/

AntiX MEPIS 7.01 é a versión actualizada de antix derivada de SimplyMEPIS 7.0. Esta nova versión conta co novo Kernel 2.6.22.14 que dispón dos últimos parches de seguridade, tódalas novas actualizacións de seguridade de Debian dende antiX 7.0, novos scripts para LiveCD e versións renovadas das utilidades de MEPIS. antiX MEPIS 7.01 chamada “Lysistrata” inclúe tamén X.org 7.2 dos repositorios de Debian Testing e un novo tema para Grub.

Xunto a esta nova versión tamén se presenta antiX-M7.01 base, un LiveCD inestable de tan só 178 MB que inclúe Fluxbox e tódalas utilidades de Mepis.

Algunhas das súas características son:

O Laboratorio de Software Libre da Universidade de Córdoba celebrou un curso de [[Ruby]] durante o mes de Novembro. Ruby é unha linguaxe de programación de gran potencia e múltiples posibilidades que van desde o desenvolvemento de videoxogos, hasta aplicacións webs, pasando polo scripting.

O curso tivo unha duración de 6 semanas, durante as cales se levou a cabo a creación dun CMS (sistema de xestión de contidos). Agora publican os materiais do curso desde a súa páxina web:

Descarga de materiais do curso de Ruby

O Laboratorio de Software Libre da Universidad de Córdoba é un punto de reunión para alumnos e persoas en xeral que desexen coñecer e perfeccionar os seus coñecementos informáticos desde o punto de vista da  distribución de código e coñecemento libre.

Roberto Galoppini, un dos grandes expertos en Software Libre e da súa aplicación aos negocios na veciña Italia, preséntanos unha Guía, dividida en dous tomos que podemos considerar como fundamentais.

A guía (desenvolvida no contexto dos proxectos FLOSSMETRICS e OpenTTT) presenta unha serie de directrices e suxestións para a adopción do Software Libre dentro das PEME, empregando un modelo que guiará as empresas desde a selección inicial e a adopción de FLOSS dentro da infraestrutura TIC ata a creación de modelos de negocio baseados en software de código aberto.

Divídese en dous documentos, nun deles explícase o modelo de Software Libre e como pode ser seleccionado, valorado e utilizado polas pequenas e medianas empresas (aínda que, de feito, pode aplicar a calquera organización, incluíndo as públicas). O segundo é unha recompilación realmente impresionante, incluíndo descrición das principais solucións Open Source en áreas tan diversas como: software de xestión de redes, sistemas de xestión da seguridade, ERP e CRM, groupware, xestión documental, sistemas de xestión de contidos (CMS), VoIP, CAD/SIG, aplicacións de escritorio, loxística e facturación, comercio electrónico e tele-ensino.

A guía distribúese baixo licenza Creative Commons e o autor é Carlo Daffara. Pódense descargar os documentos dende o apartado de â??Informes doutros estudosâ? dende os Informes do Observatorio Galego de Software Libre.

Fonte: TodoBI

Firefox Wonder Edition é unha versión especial de Firefox construída cuns extras para ter unha navegación rápida e que non consuma moita memoria. Firefox Wonder Edition está baseado na versión portable de Firefox para Windows, inda que é posible executalo con Wine en sistemas GNU/Linux.

Non é necesario mudar a versión actual de Firefox, xa que esta versión permite a execución dende unha unidade USB ou outro soporte, sen necesidade de instalación. A parte de facer un uso máis eficiente de CPU e memoria, ten instalado algúns complementos que melloran o rendemento de Firefox como son Fasterfox, Flashblock e NoScript. 

Pódese descargar Firefox Wonder Edition dende aquí.   

Fonte: Techdo.com

GNU Octave é un programa que permite realizar cálculos numéricos e como o seu nome indica forma parte do proxecto GNU. O seu equivalente comercial é o Matlab.

A última versión de Octave é a 3.0.0 que saiu o 21 de decembro do 2007. Nesta última versión inclúense un montón de melloras orientadas a mellorar a compatibilidade cos formatos propietarios de Matlab.

Para máis información sobre este programa visite a seguinte ligazón: http://www.gnu.org/software/octave/about.html  

Páxina de descargas:
http://www.gnu.org/software/octave/download.html

Está dispoñible a nova versión de Flickr Uploadr 3.0 que trae como gran novidade a liberación do seu código mediante a licenza GPLv2.

Ademais esta nova versión tamén inclúe un completo redeseño, moi optimizado para ser máis eficiente coa xestión das nosas imaxes, permitíndonos dun xeito doado engadir e/ou cambiar nomes a imaxes, descricións, etiquetas e niveis de acceso. Tamén nos permite organizar as nosas imaxes ordenándoas desde a propia aplicación, podendo crear carpetas de imaxes sen estar conectados a internet (nun primeiro momento). Unha vez que teñamos conexión a internet, o programa  rematará todas as tarefas pendentes.

Urban Terror é un mod para [[Quake 3]] que permite meterse na pel dun marine ou dun terrorista, ambos cun completo arsenal de novas e realistas armas. Este mod cambia todo o xogo por completo, non soamente introduce armas, se non que tamén engade novos skins, novos mapas, voces, etc…

A última versión é a 4.1 de Urban Terror e pode ser xogada en GNU/Linux, Mac OS e Windows. Agora pódese utilizar o cliente ioUrbanTerror, baseado no proxecto [[GPL]] ioquake3, co que non é necesario dispoñer dunha copia do Quake 3.

A lista de novidades nesta versión é a seguinte:

É necesario descargar o xogo completo desde a páxina oficial, non hai parches de actualización e requírese desinstalar as versións previas para un correcto funcionamento.

Descarga: Urban Terror  

O novo proxecto de Mozilla Labs chámase “Weave” e permitirá aos usuarios gardar todas as súas configuracións (marcadores, sesións, contrasinais, etc…) nos servidores de Mozilla para despois permitir cargalos desde calquera outro navegador.

Polo de agora están traballando nos servidores para gardar estes datos tendo como gran obxectivo manter a privacidade dos mesmos. Ademais permitirán que calquera poida crear o seu propio servidor de Weave, tanto de carácter persoal como profesional.

Aínda está nunha primeira fase de desenvolvemento polo que non é aconsellable o seu uso se co noso perfil de Mozilla se temos datos importantes almacenados no mesmo…

Para usalo temos que crear unha conta na web https://services.mozilla.com e despois descargar a extensión Weave. A extensión pedirache que escribas o teu enderezo de correo e un contrasinal para cifrar os teus datos. Despois a extensión sincronizará automaticamente os teus datos cada 30 minutos.

Fonte da nova e máis información:
http://labs.mozilla.com/2007/12/introducing-weave/
 

Os usuarios da Softpedia establecen o ranking das dez mellores aplicacións de escritorio baixo licenzas de código aberto en 2007. As aplicacións escolléronse en función da utilidade e número de descargas por parte dos usuarios durante o pasado ano.

A clasificación quedou da seguinte maneira:

1. GIMP, GNU Image Manipulation Program, software de retoque fotográfico.
2. Mplayer, reprodutor de vídeos.
3. Amarok, reprodutor de sons ao estilo de iTunes.
4. Pidgin, cliente de mensaxería multiplataforma (AIM, IRC, Yahoo, Google Talk, MSN, …).
5. OpenOffice.org, suite ofimática (procesador de textos, follas de cálculo, base de datos, …).
6. Wine, implementación da API de Windows para sistemas baseados en Unix.
7. K3B, aplicación para grabación de CD e DVD en sistemas GNU/Linux.
8. Firefox, navegador web personalizable, rápido e seguro.
9. Thunderbird, cliente de correo electrónico, lector de novas RSS, grupos de novas (newsgroup), …
10. Filezilla, un cliente FTP, FTPS e SFTP multiplataforma con moitas características útiles e interface intuitiva. 

Fonte: Softpedia

Jordi Massaguer Pla vén de publicar un conector, EZforOb, que permite a comunicación entre eZ Publish e Openbravo ERP. A integración de Openbravo cun sistema de comercio electrónico era unha das peticións que a comunidade estaba demandando e que agora se pode facer por medio de eZ Publish.

EZforOb permite conectarse coa instancia Openbravo ERP e descarga o catálogo de produtos da mesma. Todos os catálogos descárganse nunha carpeta invisible, de modo que o administrador da tenda pode publicar estes produtos onde desexe.

Na páxina do proxecto eZforOb está o ficheiro para descargar é todos os detalles técnicos e instrucións explicando o proceso de instalación. A integración implementouse facendo uso da biblioteca de Servizos Web en Openbravo (concretamente Apache AXIS).

A empresa que levou a cabo o desenvolvemento da aplicación foi Opentrends.

A compañía de Internet AOL, filial do xigante mediático estadounidense Time Warner, decidiu suspender o desenvolvemento do navegador Netscape.

Tom Drapeau, director de Netscape dentro de AOL, anunciou no blogue de Netscape que desde a última versión número 9 do navegador até a 1.0, deixarán de estar dispoñibles a partir do 1 de febreiro de 2008. En opinión de Drapeau, AOL decidiu suspender o desenvolvemento de Netscape xa que foi “incapaz de gañar cuota de mercado e o número de usuarios diminuiu”.

Por outra banda o mencionado directivo sinala que, tamén, polo “éxito de Mozilla Firefox á hora de desenvolver produtos moi louvados polo público, cremos que é o momento apropiado para suspender o desenvolvemento de Netscape e pasarlle a testemuña a Mozilla e instar aos usuarios de Netscape a que adopten o navegador Firefox”…

Extraído da Wikipedia Galega:
“Netscape Navigator foi un navegador web, o primeiro comercial, que foi o produto estrela de Netscape Communications Corporation, que dominou o mercado entre entre 1996 e 1999.
Desenvolveuno o equipo dirixido por Marc Andreesen que creou o Mosaic, ao que substituiu rapidamente. Saíu ao mercado o 13 de outubro de 1994 co nome de Mosaic Netscape 0.9.
Netscape Navigator creou novos estándares para a presentación de páxinas web, como táboas e marcos, e foi tamén o primeiro en incluír unha linguaxe de script, ao introducir na súa versión 2.0 JavaScript.
En marzo de 1988 Netscape liberou a maioría do código fonte do navegador e o colocou baixo a licenza de software libre.

Máis información en:
http://www.hispamp3.com