Autor: Alberto

OWASP LiveCD é unha distribución que se centra en ofrecer os recursos do OWASP dende un CD autoarrincable, tanto aplicacións coma documentos.

OWASP, acrónimo de Open Web Application Security Project, é un proxecto de código aberto dedicado a determinar e combater as causas que fan que o software sexa inseguro.

A Fundación OWASP é un organismo sen ánimo de lucro que apoia e xestiona os proxectos e infraestrutura de OWASP. A comunidade OWASP está formada por empresas, organizacións educativas e particulares de todo mundo. Xuntos constitúen unha comunidade de seguridade informática que traballa para crear artigos, metodoloxías, documentación, ferramentas e tecnoloxías que se liberan e poden ser usadas de balde por calquera.

A versión beta 2.1 de OWASP LiveCD, denominada “LabRat”, está dispoñible para a súa descarga dende a páxina do proxecto. O obxectivo desta distribución portable é ter unha solución para que os profesionais que fan probas, administradores de seguridade, estudiantes ou calquera outra persoa interesada na seguridade informática poidan realizar o seu traballo dun xeito máis sinxelo e estandarizado.

Entre os proxectos incluídos no CD están:

Hoxe celébrase a po.party08 que dentro das súas actividades conta cun relatorio ás 18:00 horas de Manuel Hermo e Javier Alonso, membros de AGNIX, que tentarán chegar aos máis novos as vantaxes do Software Libre.

Ademais, Mancomun.org colaborou na party levando até a mesma CD de OpenOffice.org en galego para todas as plataformas, co instalador do corrector ortográfico…

Segundo podemos ler na páxina de GPUL, están buscando una nova imaxe para o seu aniversario, baseada ou non nos logos de GPUL existentes, deseñados na súa maioría por Ana Sáiz e Adrián Perez. O logo clásico é obra de Rafa Sánchez.

Actualmente manifestan estar moi contentos co actual, xa que o que buscan é un logo especial de aniversario para usar ao longo deste ano tan especial, e que sirva ademais para facer algún tipo de camiseta ou outro merchandising.

O concurso está dotado cun premio de 60€ para o gañador e pódese outorgar un accésit de 30€, non coincidente co gañador. Os premios non serán en metálico, senón que teñen que ser invertidos en material informático ou relacionado…

O logotipo deberá entregarse nun formato vectorial aberto, preferiblemente SVG e non se aceptarán ficheiros maiores de 6Mb. Ademais, os concursantes autorizarán a GPUL a utilizar o logotipo cunha licencia libre.

O traballo gañador e o gañador do accésit (si o houbese) faranse públicos entre os días 12 e 14 de marzo de 2008, a través do weblog de GPUL (www.gpul.org) e á lista de correos gpul-list.

Máis información  sobre as bases do concurso na fonte orixinal:
http://www.gpul.org/?q=es/node/27

Os ciclos superiores de informática do IES Leliadoura de Ribeira están a organizar as III Xornadas Tecnolóxicas do centro, un conxunto de actividades formativas e lúdicas, relacionadas coas novas tecnoloxías e que terán lugar no IES entre os días 10 e 13 de marzo.

Durante as xornadas haberá diversas actividades como cursos e talleres, charlas, presentacións e concursos. Entre estas actividades haberá un curso/taller de iniciación ao Software Libre con Ubuntu, unha charla sobre o sistema gráfico dun PC e os novos escritorios Compiz e material didáctico na rede para clases de inglés con Moodle, entre outras moitas actividades…

Esta ano, como novidade, convidan a participar a todos os institutos de bacharelato do Barbanza, desde Noia á Padrón.

Podes atopar información sobre anteriores edicións descargando a seguinte presentación. 

E a pesar de que aínda quedan unas semanas para o evento, algunhas actividades xa deron comezo, coma un primeiro concurso para deseñar a camiseta que se regalará a tódolos participantes das xornadas.

Para máis información podes consultar: http://leliadoura.com.es

O “Google Summer of Code 2008” xa está en marcha, ou polo menos así o anuncia Google no seu blogue http://code.google.com/soc/2008. Durante os últimos tres anos, o programa xuntou a uns 1500 estudantes e 2000 titores duns 90 países ao redor do mundo, e agora xa están buscando novos estudantes e proxectos para a edición deste ano.

O prazo de aceptación de solicitudes para os titores e os seus proxectos comeza o 3 de marzo, e para os estudantes comeza o 24 de marzo.

Segundo o blogue, non hai motivos para esperar a que comece o período de rexistro para comezar, tanto na comunidade de Google Summer of Code como no desenvolvemento en Software Libre. Para ir comezando a informarte podes botar un ollo ás FAQ do programa e ás condicións do servizo, e visitar as páxinas das edicións anteriores (edición 2005, 2006 e 2007), e se tes algunha boa idea para mellorar algún dos proxectos listados, xa poderías comezar a traballar nela.

Contacto:
A través do canle #gsoc en Freenode e na rolda de discusión do programa.

Fonte:
http://code.google.com/soc/2008

SuperTuxKart é un xogo arcade de coches ao estilo de Super Mario Kart e similares. Xa está a disposición para a descarga a última versión 0.4 de SuperTuxKart. O cambio máis importante é o uso da biblioteca Bullet para realizar toda a detección de colisións dentro do xogo.

Entre o resto de novidades, podemos destacar a mellora da IA dos personaxes controlados polo computador, a inclusión dun novo Kart conducido polo personaxe Wilber, nova música, melloras nos circuítos “Shifting Sands” e “Lighthouse”, e agora hai teclas que nos permiten cambiar as vistas (mirar atrás e saltar). Por último resaltar que está feito en [[C++]] e podemos gozar del nas diferentes plataformas maioritarias.

Fonte: Linuxjuegos.com

A Fundación GNOME acaba de lanzar un programa de financiamento, ofrecendo 50.000$ a repartir entre as persoas que promovan a accesibilidade do software a través da comunidade GNOME ademais de mellorar a calidade xeral da accesibilidade GNOME.

O programa está financiado pola Fundación GNOME, a Fundación Mozilla, Google, Canonical e Novell. Este é o segundo programa de financiamento coordinando e executado pola Fundación GNOME.

O programa comezará a aceptar proxectos o 1 de marzo e rematará a finais de ano. Haberá dúas categorías no programa:

Para participar:

1. Ler con atención as regras do programa
2. Escoller unha das tarefas de desenvolvemento dispoñibles

Datas importantes:

• 2008
• 27 de febreiro: programa anunciado á comunidade.

• 1 de marzo: tarefas oficialmente anunciadas e publicadas na web e prazo de aceptación de propostas aberto.

• 1 de outubro: non se aceptarán máis tarefas de longa duración.

• 15 de decembro: non se aceptarán máis propostas.

• 2009
• 1 de xaneiro: fin do prazo de desenvolvemento dos proxectos aceptados.

• 15 de xaneiro: data límite para a publicación da lista de gañadores.

Máis información en:

http://www.gnome.org/projects/outreach/a11y/