Autor: Alberto

A Asociación de Jóvenes Empresarios Marineda organiza unha xornada ao redor do Software Libre o día 26 de novembro ás 8 de tarde no ITE de Caixa Galicia na Coruña orientada a promover esta opción tecnolóxica entre a PEME. A xornada dará a coñecer as vantaxes  do Software Libre e amosará casos de éxito. Na xornada está anunciada a presenza da Directora Xeral de Promoción Industrial e Sociedade da Información, Helena Veiguela, da empresa da Coruña Trabe Soluciones e Xesús Manuel Benítez Baleato, Coordenador de Mancomun.org. Inaugurarán este evento o presidente de AJE Marineda, Daniel Ramos, e Javier Vázquez, presidente de  AGASOL.

Este evento de difusión está enmarcado dentro das Xornadas Divulgativas da Sociedade da Información nas que colaboran tamén a DXPISI, ITE Caixa Galicia e INEO.

Máis Información: AJE Marineda

Web de CatPL.

O día 13 deste mes, a UNESCO presentou a “Guía Práctica sobre Software Libre, su selección y aplicación local en América Latina y el Caribe” no marco da IV Conferencia Latino-Americana de Software Libre 2007.

Fernando da Rosa, un dos autores comenta: “Sen dúbida que son moitas as cousas que van a faltar nesta primeira versión, o universo do Software Libre é moi amplo, sen dúbida que os lectores van atopar que falta algunha ligazón a algún software, ou algunha distribución, o cal non significa que consideremos que dita distribución ou software non merece estar na guía.”

“Gustaríame que descarguen a guía, a lean, a usen para o que consideren necesario, a copien, a distribúan, a enriquezan, etc…”

Prema na seguinte ligazón para descargar a guía:
http://www.mancomun.org/raquo-descargas/documentos/informes/gsl.pdf.html

Fonte da nova e máis información:
http://www.fedaro.info

Máis información en:
http://weblog.cesga.es

Un estudo da compañía KACE, con data 19 de novembro, revela que os usuarios de Windows están preocupados pola migración cara a Vista e que o 44% preferirían a migración a Linux ou Mac para evitar a migración á Vista.

Mentras Microsoft dí que a implantación de Vista vai crecendo, analistas coma Forrester, observan que esta adopción é moi lenta e no entanto Linux está collendo máis pulo.

O estudo tamén revela que só un 13% das empresas se ven migrando completamente a Vista…

Máis información na fonte orixinal da nova:
http://www.desktoplinux.com/news/NS5118924882.html

Fonte: La Flecha  

Vimos de publicar na sección de Informes do Observatorio de Software Libre o Informe de Observación Tecnolóxica que trimestralmente realiza a Universidade de Santiago de Compostela. Este informe é froito do traballo desenvolvido dentro do convenio asinado co CESGA para a realización de accións encamiñadas a impulsar o Software Libre na nosa comunidade.

Este documento, que está baixo licenza Creative Commons, fai unha análise das principais novidades tecnolóxicas no eido do Software Libre, tanto a nivel estatal como internacional, do período que vai de agosto de 2007 a outubro de 2007.

O Instituto de Ensino Medio Martín Vázquez de Arce instalou GNU/Linux nos ordenadores que lle dera hai uns anos a Junta de Castilla La Mancha co fin de poder seguir traballando neles.

O director do instituto Juan Carlos Goicoechandía, nunha entrevista nun medio local contou os pormenores de esta migración.

Segundo comentou, non foi unha iniciativa da Junta de Castilla La Mancha, senón unha idea que xurdiu no propio instituto, aínda que até agora están a empregar Molinux (distribución creada pola Junta).

Con este cambio, que en principio non requiriu unha formación especial nos docentes polas súas semellanzas co sistema gráfico anterior, preténdese tanto aforrar custos como ter todas as licenzas dos programas e poder dalos aos alumnos.

Ligazón orixinal: el afilador

A editorial O’Reilly comezou a distribución da segunda edición de “Knoppix Hacks”. O libro analiza as últimas características dos Live-CD baseados na distribución Debian, cunha especial atención nas novas características para a remasterización de Live-CD.

Kyle Rankin, o autor do libro, comenta que reeditou o libro para poder ofrecer máis información sobre todas as novas características da última versión de Knoppix. “Knoppix acaba de ofrecer un gran número de avances no mundo dos Live-CD, como a inclusión do sistema de ficheiros UnionFS (AuFS) que permite ao usuario ‘escribir’ no Live-CD como si fora un disco duro mentres o Live-CD está arrancado. Isto só, abriu un novo mundo de posibilidades para Knoppix e facilita moitas dos trucos que xa estaban explicados neste libro.”

O libro inclúe numerosos consellos para a distribución estándar de Knoppix así como para a distribución DVD “Maxi”, que vai incluída co libro.

Algúns dos temas que se tratan son:

Mjrz é unha ferramenta de xestión financeira para a xestión de gastos e ingresos. O seu deseño é intuitivo e de uso sinxelo pensado para usuarios no seu uso doméstico ou na pequena empresa, que non estean familiarizados cos principios de contabilidade. Mjrz PFM é unha aplicación base dos principios de contabilidade da dobre entrada.

As principais características de Mjrz PFM son:

1. Interface amigable de uso sinxelo e intuitivo.

2. Multiplataforma, traballa sobre calquer máquina que conte cunha máquina virtual de Java.

3. Xestión de gastos e seguimento de conta de balances.

4. Xeración de informes.

5. Crear e garda filtros complexos para procurar no historial de transaccións.

6. Gráficos e diagramas para os activos, responsabilidades e valor neto.

7. Vista de prezos do inventario. Gráficos para o seguimento histórico dos prezos.

8. Axenda de enderezos, email, números de teléfono, …

9. Importación datos en formato OFX para interoperabilidade con bancos e tarxetas de crédito. Soporte do último formato Quicken.

10. Importación de contactos de outlook, Yahoo mail, Gmail, …

11. Datos cifrados para maior seguridade. Acceso a ferramenta protexido por contrasinal

12. Soporte multi idioma (inglés, alemán, portugués, turco, castelán)

Mjrz PFM está liberado baixo licenza Apache v2.0. Para obter máis información do proxecto consultar a súa web, Mjrz.net.